कार आणि दुचाकी वाहनांसाठी विमा पॉलिसी बदलली; वाहनं खरेदी करणं होणार स्वस्त
कालपासून देशभरात कार आणि दुचाकी वाहनांसाठी विमा पॉलिसी बदलली असून, त्यामुळे वाहने खरेदी करणे पूर्वीपेक्षा स्वस्त झालंय. IRDAI ने कालपासून मोटर थर्ड पार्टी डॅमेज आणि ओन डॅमेज विमा बदललाय. आयआरडीएच्या सूचनेनुसार, ग्राहकांना आता कार खरेदीवर 3 वर्ष आणि दुचाकींच्या खरेदीवर 5 वर्षे थर्ड पार्टी कव्हर घेणे अनिवार्य होणार नाही. आयआरडीएने आता वाहनांवरील पॅकेज कव्हर नियम काढून टाकला असून, हा नवीन नियम कालपासून संपूर्ण देशात लागू झाला आहे.
जूनमध्ये, आयआरडीएआयने वाहनांवरील ओन-डॅमेज आणि लाँग टर्म पॅकेज थर्ड पार्टी विमा पॉलिसी मागे घेतली. आयआरडीएआयने सांगितले की, यामुळे गाड्यांच्या किंमती वाढत आहेत, ज्यामुळे ग्राहकांना वाहने खरेदी करण्यात त्रास होत आहे.
नवीन नियमांची अंमलबजावणी झाल्यानंतर याचा थेट परिणाम 1 ऑगस्टनंतर नवीन वाहन खरेदी करणार्यांवर होईल.हे दीर्घकालीन विमा पॅकेज सर्वोच्च न्यायालयाने 1 सप्टेंबर 2018 रोजी सादर केले. दीर्घकालीन म्हणजे दुचाकी वाहनांसाठी पाच वर्षे आणि चारचाकी वाहनांसाठी तीन वर्षे ‘मोटर थर्ड पार्टी पॉलिसी’ लागू केली गेली. यानंतर, विमा कंपन्यांनी दीर्घकालीन पॅकेज योजना आणल्या ज्यामध्ये थर्ड पार्टी आणि फक्त स्वतःच्या नुकसानीचे संरक्षण उपलब्ध होते. आता मोटार वाहन विमा बदलल्यास पुढील महिन्यापासून नवीन कार किंवा बाईकची किंमत थोडी स्वस्त होईल. याचा कोरोना कालावधीतील कोट्यावधी लोकांना फायदा होईल.
कायद्यानुसार कार आणि ड्रायव्हरचा अपघात झाल्यास व त्यामुळे रस्त्यावरून जाणाऱ्या तिसऱ्या माणसाला इजा झाली तर, पीडितेच्या जीवाचे व मालमत्तेचे नुकसान झाल्यास मालक व चालकाला नुकसान भरपाई द्यावी लागते. या प्रकरणांमध्ये, विमा कंपन्या आर्थिक भरपाईची भरपाई करण्यासाठी थर्ड पार्टी विमा करतात. म्हणजेच, जर थर्ड पार्टी विमा असेल तर नुकसान भरपाई विमा कंपनीद्वारे दिली जाते.