बुलडाणा : जळगाव जामोद येथे मनसे कार्यकर्त्यांनी वाजवली हनुमान चालीसा

खामगाव शहरातील चांदमारी भागातील हनुमान मंदिरावर लाऊडस्पीकर्स लावून हनुमान चालीसा दररोज सकाळी ६ नंतर आरतीच्या वेळेस वाजवण्यात येते. मात्र, आज शहर पोलीसांनी सकाळी ५ वाजेच्या दरम्यान चांदमारी येथील मंदिरात जाऊन साऊंड सिस्टीम ताब्यात घेतली विशेष बाब म्हणजे त्या वेळेस साऊंड सिस्टीम बंद होती.

मनसे शहराध्यक्ष आनंद गायगोळ यांच्याशी संपर्क साधला असता त्यांनी पोलिसांनी मंदिरामध्ये जाऊन मशीन उचलून नेली असल्याची माहिती दिली. पोलिसांच्या या कृत्यामुळे हिंदू धर्मियांच्या भावना दुखावल्या आहेत. शहरातील अनेक मशिदींमध्ये ज्या वेळेस कायद्यांचे उल्लंघन करत सकाळी ६ वाजायच्या आधीच अजान देण्यात आली त्या वेळेस पोलीसांनी भोंगे जप्त करण्याची धमक का दाखवली नाही, असा सवालही त्यांनी यावेळी केला.

दरम्यान, मशिदीवरील भोंग्यांबाबत मनसेने घेतलेल्या आक्रमक भूमिकेमुळे राज्यातील अनेक भागात तणाव निर्माण झाला असून परिस्थिती नियंत्रणात ठेवण्यासाठी मोठा पोलीस बंदोबस्त तैनात करण्यात आला आहे.