हरयाणातील अंबाला येथील हवाई दलाच्या तळावर लढाऊ जग्वार विमानाचा मोठा अपघात टळला. या विमानाची आकाशात उडणाऱ्या पक्ष्याशी धडक झाल्याने इमर्जन्सी लँडिंग करावी लागली. यावेळी विमानातील काही भाग रहिवासी भागात कोसळला मात्र त्यामुळे विशेष काही हानी झालेली नाही. पायलटच्या प्रसंगावधानामुळे विमान यशस्वीरित्या लँड झाले.
ANI✔@ANI
IAF Sources: An IAF Jaguar pilot jettisoned fuel tanks of his aircraft after one of the engines failed after being hit by a bird, pilot managed to land back safely at the Ambala air base. Small practice bombs jettisoned by his aircraft have also been recovered.
विमानाच्या एका इंधनाच्या टाकीला पक्ष्याची धडक बसल्याने ते बंद पडले होते. यामुळे उडत्या विमानाला धोका निर्माण होऊ नये आणि मोठी दुर्घटना घडू नये यासाठी पायलटने विमानाची अतिरिक्त इंधनाची टाकी आणि छोटे प्रॅक्टिस बॉम्ब विमानातून मोकळ्या जागी टाकले. त्यानंतर अंबाला एअरबेसवर सुरक्षितरित्या लँडिंग केले. पायलटच्या या विवेकबुद्धीमुळे मोठा अपघात टळू शकला.
