breaking-newsपश्चिम महाराष्ट्र
संजीवराजे नाईक-निंबाळकर यांना कोरोनाची लागण
![](https://mahaenews.com/wp-content/uploads/2020/08/Capture-32-1.jpg)
सातारा – सातारा जिल्हा परिषदेचे माजी अध्यक्ष व विद्यमान सदस्य संजीवराजे नाईक-निंबाळकर यांच्या कोरोना चाचणीचा अहवाल पॉझिटिव्ह आला आहे. याबाबतची माहिती संजीवराजे यांनी स्वत: दिली.
मला कोरोनाची लक्षणे जाणवत असल्याने मी स्वत:हून कोव्हिड-१९ची चाचणी केली असता ती पॉझिटिव्ह आली आहे. मी स्वत:ला होम क्वारंटाईन केले आहे. माझी प्रकृती उत्तम आहे, परंतु गेल्या पंधरा दिवसात माझ्या संपर्कात आलेल्या फलटण शहर आणि तालुक्यातील सर्वांनी स्वत:ला सात दिवस होम क्वारंटाईन करावे आणि आठव्या दिवशी कोव्हिड-१९ची चाचणी करून घ्यावी. आपण होम क्वारंटाईन झाल्याचे फलटण शहरातील नागरिकांनी नगरपालिकेत आणि ग्रामीण भागातील नागरिकांनी पंचायत समिती कार्यालयात कळवावे, असे आवाहन संजीवराजे यांनी केले आहे.