विद्यार्थ्यांना घेऊन जाणारी मिनी बस दरीत कोसळून झालेल्या भीषण अपघातात ११ विद्यार्थ्यांचा मृत्यू झाला आहे, यामध्ये ९ मुलींचा समावेश आहे. तर इतर ७ जण जखमी झाले आहेत. जम्मू-काश्मीरच्या शोपियाँ जिल्ह्यात ही दुर्देवी घटना घडली आहे.
ANI✔@ANI
Jammu and Kashmir: 11 people died and 6 were injured after their vehicle fell into a deep gorge near Peer Ki Gali in Shopian district, today. The injured have been shifted to hospital.
माध्यमांतील वृत्तानुसार, पुंछ येथील एका कॉम्प्युटर कोचिंग क्लासच्या विद्यार्थ्यांना घेऊन जाणारी मिनी बस शोपियाँ मार्गावरील मुघल रोडने जात होती. दरम्यान, एका दुचाकीला वाचवण्याच्या प्रयत्नात ‘पिर की गली’ भागात ही बस दरीत कोसळली. यामध्ये एकूण ११ विद्यार्थ्यांचा मृत्यू झाला असून यामध्ये ९ मुलींचा समावेश आहे. तर ७ जण जखमी झाले आहेत. जखमींना दरीतून बाहेर काढण्यात आले असून त्यांना उपचारांसाठी शोपियाँतील रुग्णालयात दाखल करण्यात आले आहे.
जम्मू-काश्मीरचे राज्यपाल सत्यपाल मलिक यांनी या अपघाताबाबत बोलताना सांगितले की, राज्यात ही अत्यंत दुर्देवी घटना घडली आहे. या अपघातात मृत्यू पावलेल्या विद्यार्थ्यांच्या कुटुंबियांना प्रत्येकी ५ लाख रुपयांची मदत देण्यात येईल. त्याचबरोबर जे जखमी आहेत त्यांना चांगल्या वैद्यकीय सुविधा पुरवण्यात याव्यात, असे आदेशही मलिक यांनी प्रशासनाला दिले.
