मुंबईतील ‘या’ इमारती युनेस्कोच्या यादीत
![Otherwise, night curfew will be imposed in Mumbai: Commissioner Iqbal Singh Chahal](https://mahaenews.com/wp-content/uploads/2018/07/mumbai5.jpg)
मुंबई : दक्षिण मुंबईतील 19 व्या शतकातील व्हिक्टोरियन निओ गॉथिक आणि आर्ट डेको इमारतींचा जागतिक वारसा स्थळांच्या यादीत समावेश करण्यात आला आहे. यात मुंबई विद्यापीठ, उच्च न्यायालय, छत्रपती शिवाजी महाराज वस्तू संग्रहालय आणि महाराष्ट्र पोलीस मुख्यालयाचाही समावेश आहे. बहरीन येथे सुरू असलेल्या युनेस्कोच्या बैठकीत ही घोषणा करण्यात आली. त्यामुळे राज्यात पाचव्या जागतिक वारसा स्थळाचा समावेश होणार असून भारतातील सर्वात जास्त वारसा स्थळांचा मान असलेले महाराष्ट्र हे एकमेव राज्य ठरले आहे.
छत्रपती शिवाजी महाराज टर्मिनस या स्टेशन पासून ते गेटवे ऑफ इंडिया पर्यंतच्या अनेक इमारती ब्रिटीशकालीन आहेत. या इमारती आजही आपला दिमाख कायम राखत डौलदारपणे उभ्या आहेत आणि मुंबईच्या सौंदर्यात भर घालत आहेत. आता याच इमारतींपैकी काही इमारतींना युनेक्सोकाच्या जागतिक वारसा यादीत स्थान मिळाले आहे. मुंबईसाठी ही नक्कीच गौरवास्पद बाब ठरली आहे. 19 व्या शतकातील व्हिक्टोरियन संरचना आणि 20 व्या शतकातील आर्ट डेको इमारतींचा यात समावेश आहे. शनिवारी बहरिन येथे झालेल्या युनेस्को जागतिक वारसा समितीच्या बैठकीत ही घोषणा करण्यात आली. हेरिटेज परवाना फोर्ट प्रेसिंक्ट आणि मरीन ड्राईव्ह प्रेसिंक्ट या दोहोंमध्ये विभागलेला आहे.
मुंबई विद्यापीठ इमारत, जुने सचिवालय, नॅशनल गॅलरी ऑफ मॉडर्न आर्ट, डेव्हिड ससून ग्रंथालय. छत्रपती शिवाजी महाराज वस्तू संग्रहालय, पश्चिम रेल्वे मुख्यालय आणि आर्ट डेकोच्या सार्वजनिक इमारतींचा समावेश आहे. बॅकबे आगारातील स्कीमची पहिली ओळ, क्रिकेट क्लब ऑफ इंडिया राम महाल यांनी दिनशॉ वाचा रोड, इरॉस व रीगलचे सिनेमागृह आणि मरीन ड्राईव्हवरील इमारतींच्या पहिल्या ओळी यासारख्या इमारती या इमारती आहेत.