पाकव्याप्त काश्मीरमध्ये शक्तीशाली भूकंप; उत्तर भारतात जाणवले धक्के

राजधानी दिल्लीसह उत्तर भारतातील विविध भागात मंगळवारी संध्याकाळी भूकंपाचे धक्के जाणवले. या भूकंपाचे केंद्र पाकव्याप्त काश्मीरमध्ये असल्याचे एका खासगी भूकंप निरिक्षण एजन्सीने स्पष्ट केले आहे. ६.१ रिश्टर स्केल तीव्रतेचा हा भूकंप होता. दरम्यान, या भूकंपामुळे कोणत्याही स्वरुपाच्या नुकसानीची माहिती समोर आलेली नाही.

दरम्यान, उत्तर भागात भूकंपाचे धक्के जाणवल्यानंतर अन्यन्या भट्टाचार्य नावाच्या एका मुलीने तिच्या घरामधील वस्तूंची झालेली हालचाल कॅमेरॅत टिपली असून याचा व्हिडिओ तिने ट्विटरवर पोस्ट केला आहे.