सांगली लोकसभा मतदारसंघात सहाव्या फेरीअखेर अपक्ष उमेदवार विशाल पाटील 30 हजार 659 मतानी आघाडीवर
Sangli Lok Sabha Election : सांगली लोकसभा मतदारसंघात सहाव्या फेरीअखेर अपक्ष उमेदवार विशाल पाटील 30 हजार 659 मतानी आघाडीवर असून भाजपचे संजय पाटील हे दुसऱ्या क्रमांकारवर आहेत.
लोकसभा निवडणुकीमध्ये सर्वाधिक चर्चेत आलेला आणि जागावाटपामध्ये वादग्रस्त ठरलेला मतदारसंघ म्हणजे सांगली. महाविकास आघाडीने राज्यभर समन्वय साधून, भाजपविरोधात एकदिलाने काम केलं असलं तरी सांगलीत मात्र त्यांची दिलजमाई झाली नाही. त्यामुळे शिवसेना ठाकरे गटाकडून चंद्रहार पाटील, भाजपकडून संजयकाका पाटील आणि अपक्ष विशाल पाटील यांच्यातील तिरंगी लढतीत कोण बाजी मारणार हे काहीच वेळात स्पष्ट होणार आहे.
सांगली लोकसभेसाठी यंदा जवळपास 61 टक्के मतदान झालं. त्यामध्ये खरी लढत ही अपक्ष विशाल पाटील आणि भाजपचे संजयकाका पाटील यांच्यात झाली. विविध एक्झिट पोलमध्येही विशाल पाटील हेच आघाडीवर असल्याचं सांगितलं गेलं. जिल्ह्यातील काँग्रेसच्या नेत्यांनी चंद्रहार पाटलांना मदत न करता अपक्ष असलेल्या विशाल पाटलांना मदत केल्याचं उघड झालं. त्यामुळेच सांगलीतील बाजी कोण मारणार याकडे सर्वांचं लक्ष होतं. गली लोकसभा मतदारसंघात सहाव्या फेरीअखेर अपक्ष उमेदवार विशाल पाटील 30 हजार 659 मतानी आघाडीवर
