Breaking-newsताज्या घडामोडीपिंपरी / चिंचवड

निमंत्रण पत्रिकेसह स्मृतीचिन्ह यापुढे बंद ; स्थायी समितीचा निर्णय

पिंपरी – राज्य व केंद्रीय मंत्र्याचे कार्यक्रम वगळता अन्य कार्यक्रमांच्या निमंत्रण पत्रिका न छापण्यासह स्मृतिचिन्ह भेटवस्तु म्हणून न देण्याचा निर्णय स्थायी समिती आज (बुधवारी) झालेल्या बैठकीत घेतला. या सभेच्या अध्यक्षस्थानी ममता गायकवाड होत्या.

संत तुकारामनगर येथील यशवंतराव चव्हाण स्मृती रुग्णालयामध्ये रुग्णाचा वाढता व्याप विचारात घेता व सध्या आवश्यक असलेले विविध कन्सलटंट पदे एकत्रित मानधनावर तात्पुरत्या स्वरुपात सहा महिने करिता भरण्यासाठी मान्यता देण्यात आली. अ प्रभागातर्गत उंच पाण्याच्या टाक्यावरुन पाणीपुरवठा व्यवस्थापन करण्यासाठीच्या 10 लाख 58 हजार 405 रुपये वाढीव खर्चास मान्यता देण्यात आली.

केंद्र सरकारच्या सामाजिक न्याय सहकारिता मंत्रालयाच्या सहयोगाने व पिंपरी चिंचवड महानगरपालिकेच्या संयुक्त विदयमाने शहरातील दिव्यांग व्यक्तींना कृत्रिम अवयव व सहाय्यभुत साधनांचे मोफत वाटप करण्यात येणार असून त्यासाठी येणा-या सुमारे चार लाख 50 हजार रुपये खर्चास मान्यता देण्यात आली. मे.आयडीया कंपनीमार्फत वरिष्ठ अधिकारी, विभागप्रमुख, अभियंते व विविध कार्यालये यांना 3G/4G डोंगल सुविधा पुरविण्याचे कामासाठी तीन महिन्यांची मुदतवाढ देण्यास व येणा-या सुमारे सहा लाख 45 हजार रुपये पर्यंत खर्चास मान्यता देण्यात आली.पालिकेच्या सन 2018-19 च्या अंदाजपत्रकातील ब क्षेत्रिय कार्यालय स्थापत्य विभागाच्या कामासांठी तरतूद उपलब्ध करुन देण्यास मान्यता देण्यात आली.

पिंपरी भाजी मंडई येथील इमारतीमधील जुने रात्र निवारा केंद्र वाढविणे व देखभाल दुरुस्ती करणे या कामासाठी वास्तुविशारद नेमणेस मान्यता देणेत आली. कृष्णानगर संप व पंप हाऊस व इतर ठिकठिकाणी व्हॉल्व ऑपरेशन करिता मजुर कर्मचारी पुरविणे साठीचे सुधारित वाढीव सुमारे सहा लाख 58 हजार 796 रुपये खर्चास मान्यता देण्यात आली.

Job AlertJob Alert Job Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button
Join WhatsApp Group