‘पाकिस्तान जिंदाबाद’ म्हणणाऱ्या शोएब मलिकला हैदराबादकरांचा इशारा
पुलवामा दहशतवादी हल्ला आणि त्यानंतर भारत-पाकिस्तानदरम्यान सुरू असलेल्या तणावाच्या परिस्थितीत पाकिस्तानी क्रिकेटर शोएब मलिकला एक ट्विट चांगलेच महागात पडले आहे. बुधवारी शोएबने ‘हमारा पाकिस्तान जिंदाबाद’ हे ट्विट केल्यानंतर सोशल मीडियावर संतप्त प्रतिक्रिया येऊ लागल्या आहेत. शोएबला हैदराबादमध्ये पाऊल न ठेवण्याची धमकी देण्यात आली. तर भाजपा आमदार राजा सिंह यांनी शोएबची पत्नी सानिया मिर्झाला तेलंगणाच्या ब्रँड अॅम्बेसेडर पदावरून हटवण्याची मागणी केली आहे.
शोएबच्या ट्विटनंतर हैदराबादच्या स्थानिकांनीही ट्विटरवर तीव्र नाराजी व्यक्त केली. हैदराबादमध्ये पाऊल ठेवल्यास हल्ला करण्याची धमकीही त्याला देण्यात आली. ‘तेलंगणामध्ये आल्यावर तुम्ही पाकिस्तानला परत कसे जाणार हे आम्ही बघूच,’ असा धमकीवजा इशारा एका युजरने दिला. तर काहींनी शोएबच्या ट्विटवर सानियाने प्रतिक्रिया द्यावी असे म्हटले.
Hamara #PakistanZindabad
— Shoaib Malik