स्वराज्याच्या निर्मितीसाठी शिवरायांचा सर्वसमावेशक विचार आत्मसाद करा – अभिमन्यु पवार

पवार म्हणाले की, देशभरात एक वर्षांच्या मुलीपासुन सत्तर वर्षाच्या वृद्धेपर्यंत कुठलीही महिला सुरक्षित नाही. घराबाहेर एकट्या मुलीला पाठवायला आई-बाप घाबरतात. पण स्वराज्यात स्त्री सुरक्षित तर होतीच, पण तिला सन्मानाचे स्थान होते. रांझ्याच्या पाटलांने एका स्त्रीवर बदअमल केला. तर महाराजांनी त्याचा चौरंगा केला होता. कारण परस्त्रीला मातेसमान मानणारा आपला राजा होता. हा इतिहास आपण आपल्या मुलांना सांगितला पाहिजे. आपल्या मुलांना आपणच स्त्रीचा सन्मान करायला शिकविला. तरच समाजातील प्रत्येक महिला सुरक्षित होवून स्त्री सुरक्षेचा प्रश्नच संपून जाईल. छत्रपती शिवाजी महाराज हे शुन्यातून विश्व निर्माण करणारे पहिले राजे आहेत. त्यामूळे शिवाजी महाराज वाचून नाचण्यापेक्षा त्यांचा इतिहास समजून घेवून तस जगण्याचा प्रयत्न केलात. तर समाजातील सर्वच प्रश्नाचे निराकरण झाल्याशिवाय राहणार नाही. असेही त्यांनी सांगितले.