Breaking-newsTOP News । महत्त्वाची बातमीताज्या घडामोडीमहाराष्ट्रराजकारण

बाळासाहेब ठाकरेंचा फोटो फाडल्याने वाद; एकनाथ शिंदेंनी शायना एनसी यांना विधानभवनात बोलावले

सोनिया गांधी यांच्या पुस्तकातील पाने फाडून निषेध नोंदवताना घडलेल्या प्रकारामुळे शिवसेना शिंदे गटाची अडचण; शायना एनसी यांच्याशी शिंदे काय चर्चा करणार, याकडे लक्ष

मुंबई : सोनिया गांधी लिखित ‘बिलॉन्गिंग – अ जर्नी ऑफ लव्ह’ या पुस्तकावरून शिवसेना शिंदे गटाने आयोजित केलेल्या पत्रकार परिषदेत नवा वाद निर्माण झाला आहे. पुस्तकातील काही मजकूर स्वातंत्र्यवीर सावरकर यांचा अपमान करणारा असल्याचा आरोप करत शिंदे गटाच्या प्रवक्त्यांनी पुस्तकाची पाने फाडून निषेध नोंदवला. मात्र, याचवेळी शायना एनसी यांच्याकडून चुकून शिवसेनाप्रमुख बाळासाहेब ठाकरे यांचे छायाचित्र फाडले गेल्याचा प्रकार घडल्याने राजकीय वर्तुळात खळबळ उडाली आहे. या घटनेनंतर उपमुख्यमंत्री एकनाथ शिंदे यांनी शायना एनसी यांना तातडीने विधानभवनात बोलावून घेतल्याची माहिती समोर आली आहे.

शिंदे गटाच्या प्रवक्त्यांनी बुधवारी मुंबईत पत्रकार परिषद आयोजित केली होती. सोनिया गांधी यांच्या पुस्तकातील काही मजकूर सावरकर यांचा अवमान करणारा असल्याचा आरोप करत या पुस्तकाचा निषेध करण्यात आला. निषेध व्यक्त करताना पत्रकार परिषदेत पुस्तकाच्या काही प्रती आणि पाने फाडण्यात आली. मात्र, या घडामोडीदरम्यान शायना एनसी यांच्या हातून बाळासाहेब ठाकरे यांचे छायाचित्र फाडले गेल्याने संपूर्ण पत्रकार परिषदेचा विषय बदलला.

हेही वाचा –  आदिवासी बांधवांच्या मदतीला धावले नगरसेवक निखिल बोऱ्हाडे; ४५० कुटुंबांना माणुसकीचा आधार!

शायना एनसी यांना विधानभवनात बोलावले

या घटनेनंतर शायना एनसी यांना उपमुख्यमंत्री एकनाथ शिंदे यांनी विधानभवनात बोलावून घेतल्याची माहिती आहे. त्या काही वेळापूर्वीच विधानभवनात पोहोचल्याचे वृत्त आहे. बाळासाहेब ठाकरे यांच्या छायाचित्राबाबत घडलेल्या प्रकारावर चर्चा करण्यासाठी शिंदे यांनी त्यांना बोलावले असल्याची राजकीय वर्तुळात चर्चा आहे.

शिंदे काय भूमिका घेणार?

सोनिया गांधी यांच्या पुस्तकाविरोधात निषेध नोंदवण्यासाठी आयोजित केलेल्या पत्रकार परिषदेत बाळासाहेब ठाकरे यांचे छायाचित्र फाडले गेल्याने शिंदे गटाला स्पष्टीकरण द्यावे लागत आहे. या प्रकरणावर एकनाथ शिंदे शायना एनसी यांना काय सांगणार आणि त्यानंतर शिंदे गटाकडून कोणती भूमिका मांडली जाणार, याकडे राजकीय वर्तुळाचे लक्ष लागले आहे.

महाईन्यूज-X वर फॉलो करा : महाईन्यूजला instagram वर फॉलो करा

Job AlertJob Alert Job Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button
Join WhatsApp Group