MI vs CSK : मुंबईसाठी वेगळा नियम का? CSK विरुद्ध MI कडून खेळले 13 प्लेयर, अंपायरच्या निर्णयावरुन मोठा वाद
IPL Concussion Substitute Rules : मुंबई इंडियन्स आणि चेन्नई सुपर किंग्समध्ये गुरुवारी वानखेडे स्टेडियमवर सामना झाला. आयपीएलमधील ही 33 वी मॅच होती. या सामन्यात सीएसकेने मुंबई इंडियन्सचा तब्बल 103 धावांनी पराभव केला. वानखेडेवर आयपीएलच्या इतिहासात पहिल्यांदाच मुंबईच्या टीमने पराभवाची हॅटट्रिक केली. या मॅचमध्ये एक वेगळी हैराण करणारी घटना पहायला मिळाली. मुंबई इंडियन्सकडून एकूण 13 खेळाडू या सामन्यात खेळले. तुम्ही म्हणालं क्रिकेटच्या कुठल्याही सामन्यात 11 खेळाडू असतात. पण 13 खेळाडू कसे खेळले?. यामागे एक कारण आहे. पण अंपायरने 13 व्या खेळाडूला परवानगी दिल्याने मोठा वादही सुरु आहे. आयपीएलमध्ये टीम्सना प्लेइंग-11 शिवाय फक्त इम्पॅक्ट प्लेयरचा वापर करता येतो.
म्हणजे दोन्ही टीम्सकडून एकामॅचमध्ये प्रत्येकी 12 खेळाडू खेळू शकतात. या मॅचमध्ये मुंबई इंडियन्सने कन्कशन सब्स्टीट्यूट नियमाचा आधार घेतला. त्यामुळे मुंबईकडून 13 खेळाडू या सामन्यात खेळले. सामन्यादरम्यान न्यूझीलंडचा स्पिनर मिचेल सँटनरला दुखापत झाली होती. पहिल्या इनिंगमध्ये मुंबईची गोलंदाजी होती. 17 व्या ओव्हरमध्ये कार्तिक शर्माची कॅच घेताना सँटनरच्या खांद्याला दुखापत झाली. सँटनर खांदा पकडून मैदानाबाहेर जाताना दिसला. त्याने तो पर्यंत आपल्या चार ओव्हर्सचा कोटा पूर्ण केला होता. 44 रन्स देऊन एक विकेट काढलेला. नियमानुसार मुंबईच्या टीमने कन्कशन सब्स्टीट्यूट म्हणून शार्दुल ठाकूरचा टीममध्ये समावेश केला.
हेही वाचा – Organic products | सेंद्रिय उत्पादनांचे सेवन करताय?
जेव्हा कुठल्या खेळाडूच्या डोक्याला किंवा मानेला मार लागतो, तेव्हा कन्कशन सब्स्टीट्यूटचा नियम लागू होतो. अंपायरच्या या निर्णयावरुन सोशल मीडियावर वादळ आलं आहे. काही फॅन्सनी या निर्णय चुकीचा असल्याचं म्हटलं आहे. सुरुवातीला खांद्याला दुखापत झाल्याचा संशय होता. पण रिप्लेमध्ये डोकं धडकल्याचं दिसलं. त्यामुळे मुंबई इंडियन्सला नव्या खेळाडूला मैदानात उतरवण्याची परवानगी मिळाली.
मुंबई इंडियन्सने आधीच इम्पॅक्ट प्लेयरचा वापर केला होता. त्यांनी अल्लाह गजनफरच्या जागी दानिश मालेवारला उतरवलं. इम्पैक्ट प्लेयर + एक कॉन्कशन सब यामुळे मुंबईकडून या सामन्यात 13 खेळाडू खेळले. आयपीएलमध्ये अशी घटना फार कमीवेळा पहायला मिळते. मुंबईच्या या निर्णयाने सगळेच जण हैराण झाले आहेत.
