हेल्मेट सक्तीत कंपनीचे आर्थिक हित ; संभाजी ब्रिगेडचा अाराेप
पुणे – 1 जानेवारीपासून पुण्यात हेल्मेट सक्ती करण्यात येणार अाहे. याला विविध स्तरातून विराेध हाेत अाहे. पुणेकरांवर लादण्यात येणारी हेल्मेट सक्ती ही हेल्मेट कंपनीचे हित जाेपासण्यासाठी घेतलेला निर्णय अाहे असा अाराेप संभाजी ब्रिगेडकडून करण्यात अाला अाहे. हेल्मेट सक्ती नकाे, वाहनचालकांना शिस्त लावा अशी मागणीही ब्रिगेडकडून करण्यात अाली अाहे.
पुण्याचे पाेलीस अायुक्त डाॅ. के. व्यंकटेशम यांनी 1 जानेवारीपासून पुण्यात हेल्मेट सक्ती लागू करण्यात येणार असल्याचे जाहीर केले अाहे. दुचाकीस्वारांच्या अपघातात हेल्मेट नसल्यामुळे मृत्यु झाल्याचे प्रमाण अधिक असल्याने हेल्मेट सक्ती करण्यात येत असल्याचे सांगितले जात अाहे. हेल्मेट सक्तीला हेल्मेट विराेधी कृती समितीकडून कडाडून विराेध हाेत असताना संभाजी ब्रिगेडने सुद्धा या वादात अाता उडी घेतली अाहे. हेल्मेट सक्ती करण्यात हेल्मेट कंपनीचे हित जाेपासण्याचा सरकारचा छुपा अजेंडा असल्याचा अाराेप ब्रिेगेडकडून करण्यात अाला अाहे. तसेच रस्त्यांची देखभाल दुरुस्ती करुन शंभर टक्के खड्डे बुजविण्यात यावेत अशी मागणी करण्यात अाली अाहे.