इंडिगोची मोठी घोषणा ! प्रवाशांना देणार १० हजाराच्या भरपाईसह ट्रॅव्हल व्हाउचर
Indigo customers compensation : इंडिगोची उड्डाणे रद्द झाल्यामुळे प्रवाशांना अनेक अडचणींना सामोरे जावे लागत आहे. डिसेंबरच्या पहिल्या आठवड्यात प्रवाशांना सर्वाधिक समस्यांना सामोरे जावे लागले, कारण या काळात इंडिगोच्या शेकडो उड्डाणे रद्द करण्यात आली. त्यामुळे प्रवाशांचेही मोठे आर्थिक नुकसान झाले.
त्यानंतर डीजीसीएने एअरलाइनवर कडक कारवाई केली आहे. आता इंडिगोने ३, ४ आणि ५ डिसेंबर रोजी मोठ्या प्रमाणात उड्डाणे रद्द केल्यामुळे प्रवाशांना दिलासा जाहीर केला आहे. बाधित प्रवाशांना सरकारी नियमांनुसार 5,000 ते 10,000 रुपयांपर्यंत नुकसान भरपाई दिली जाईल, असे कंपनीने म्हटले आहे.
यासह, एअरलाइनने सर्वाधिक प्रभावित प्रवाशांसाठी 10,000 रुपयांपर्यंतचे अतिरिक्त प्रवासी व्हाउचर जारी करण्याची घोषणा केली आहे. ज्या प्रवाशांचे प्रवासाचे नियोजन अचानक बदलले आणि ज्यांना मोठ्या गैरसोयीला सामोरे जावे लागले, अशा प्रवाशांसाठी हा निर्णय महत्त्वाचा दिलासा मानला जात आहे. या ट्रॅव्हल व्हाउचरची खास गोष्ट म्हणजे पुढील 12 महिने ते कधीही वापरले जाऊ शकते. प्रवासी हे व्हाउचर भारतातील कोणत्याही देशांतर्गत इंडिगो फ्लाइट किंवा आंतरराष्ट्रीय मार्गासाठी वापरू शकतात.
हेही वाचा – अखेर अण्णा हजारे उपोषण करणार, तारीखही ठरली; 2 वर्षे होऊनही अंमलबजावणी नाही, मुख्यमंत्री फडणवीसांना पत्र
कंपनीच्या म्हणण्यानुसार, नुकसान भरपाईची रक्कम डीजीसीए (नागरी विमान वाहतूक महासंचालक) द्वारे निश्चित केलेल्या मार्गदर्शक तत्त्वांनुसार दिली जाईल. ज्या प्रवाशांची विमान कंपनीमुळे उड्डाणे रद्द झाली आहेत त्यांना नियमानुसार ही भरपाई मिळू शकते. इंडिगोने स्पष्ट केले की भरपाईची रक्कम विमानाचे अंतर, तिकीट वर्ग आणि प्रवाशांना होणारी गैरसोय लक्षात घेऊन दिली जाईल. प्रवाशांना होणारे आर्थिक नुकसान आणि अनावश्यक त्रास कमी करणे हा त्याचा उद्देश आहे.
इंडिगोने सांगितले की, ज्या प्रवाशांची प्रवास योजना एकापेक्षा जास्त वेळा बदलावी लागली, ज्यांची उड्डाणे वारंवार बदलली गेली किंवा ज्यांना विमानतळावर बराच वेळ प्रतीक्षा करावी लागली, अशा प्रवाशांना 10,000 रुपयांचे ट्रॅव्हल व्हाउचर दिले जाईल. नुकसान भरपाई आणि व्हाउचरचा दावा करण्याची प्रक्रिया सुलभ करण्यासाठी प्रवाशांना त्यांच्या नोंदणीकृत ईमेल आणि मोबाइल नंबरवर पाठवलेले संदेश तपासण्याचा सल्ला देण्यात आला आहे.
