उच्च रक्तदाबाच्या रुग्णांनी चहा प्यावा की नाही?

मुंबई : उच्च रक्तदाब ही समस्या आजकाल सामान्य बनली आहे. पूर्वी ही समस्या फक्त वृद्धांमध्ये दिसून येत होती. आजकाल तरूणांमद्ये देखील ही समस्या निर्माण होत आहे. जेव्हा रक्तवाहिन्यांवर जास्त दाब असतो तेव्हा उच्च रक्तदाबाची समस्या उद्भवते. यावर वेळीच नियंत्रण न ठेवल्यास स्ट्रोक, हृदयविकाराचा झटका यांसारख्या अनेक गंभीर आजारांचा धोका वाढू शकतो.

उच्च रक्तदाबासाठी अनेक कारणे कारणीभूत असू शकतात, त्यातील अयोग्य खाण्याच्या सवयी, चुकीची जीवनशैली आणि तणाव ही प्रमुख कारणे आहेत. उच्च रक्तदाबाच्या रुग्णांनी आपल्या आहाराची विशेष काळजी घ्यावी. अनेकदा हा प्रश्न अनेकांच्या मनात निर्माण होतो की उच्च रक्तदाबात चहा प्यावा की नाही? काही लोकांचा असा विश्वास आहे की चहा प्यायल्याने हाय बीपीची समस्या वाढते. त्याचबरोबर काही लोकांचा असा विश्वास आहे की चहा प्यायल्याने रक्तदाबावर फारसा फरक पडत नाही.चला तर मग तज्ज्ञ काय सांगतात हे जाणून घेऊया.

चहा पिऊ शकतो का?
आहारतज्ज्ञ सांगतात की चहा प्यायल्याने रक्तदाब वाढत नाही. पण त्यात काही घटक असतात, ज्यांचे शरीरावर वेगवेगळे परिणाम होतात. चहामध्ये कॅफिन असते. ज्यामुळे रक्तदाब वाढू शकतो. याशिवाय उच्च रक्तदाबाच्या रुग्णांनी दुधासोबत चहा पिणे टाळावे. वास्तविक, हा चहा गॅस तयार करतो, ज्यामुळे रक्तदाब वाढू शकतो. याशिवाय चहामध्ये असलेली साखर कॅलरी वाढवते, जी रक्तदाबासाठी हानिकारक ठरू शकते.

हेही वाचा   :  राष्ट्रीय मतदार दिनानिमित्त महापालिका कर्मचाऱ्यांना शपथ 

जर तुम्ही उच्च रक्तदाबाचे रुग्ण असाल आणि तुम्हाला अनेकदा ॲसिडिटीचा त्रास होत असेल तर चहाचे सेवन टाळा. हे तुमच्या आरोग्यासाठी हानिकारक असू शकते. तणाव किंवा चिंताग्रस्त उच्च रक्तदाबाच्या रुग्णांनी चुकूनही चहा घेऊ नका. त्यामुळे त्यांच्या अडचणी वाढू शकतात. उच्च रक्तदाबाच्या रुग्णांना लघवी करताना जळजळ होत असेल किंवा छातीत जळजळ होत असेल तर त्यांनी चहा पिणे टाळावे.

उच्च रक्तदाब नियंत्रित करण्यासाठी पुढील चहांचे सेवन करू शकता

हिरवा चहा
उच्च रक्तदाबाचे रुग्ण ग्रीन टी पिऊ शकतात. वास्तविक, त्यात कॅफिनचे प्रमाण कमी असते आणि त्यात अँटिऑक्सिडंट्स भरपूर असतात. हे रक्तदाब नियंत्रित करण्यास आणि कोलेस्ट्रॉल कमी करण्यास मदत करू शकते.

हर्बल चहा
हर्बल चहा जसे की कॅमोमाइल चहा, पेपरमिंट चहा आणि हिबिस्कस चहा कॅफिन-मुक्त आहेत. तसेच, ते रक्तदाब कमी करण्यास मदत करू शकते. उच्च रक्तदाबाचे रुग्ण त्यांचे सेवन करू शकतात.

काळा चहा
जर तुम्हाला उच्च रक्तदाबाची समस्या असेल तर तुम्ही दुधाच्या चहाऐवजी काळ्या चहाचे सेवन करू शकता. या चहाचे मर्यादित प्रमाणात सेवन केल्यास रक्तदाब नियंत्रणात राहतो.

महाईन्यूज-X वर फॉलो करा : महाईन्यूजला instagram वर फॉलो करा