कामाठीपुराचा चेहरा-मोहरा बदलण्याची योजना प्रशासनाने आखली

मुंबई : कामाठीपुराचा चेहरा-मोहरा बदलण्याची योजना प्रशासनाने आखली असून सरकारी प्रोजक्ट अंतर्गत सर्वात उंच बिल्डिंग उभारण्याचा सरकारचा प्लॅन आहे. महाराष्ट्र गृहनिर्माण क्षेत्र विकास प्राधिकरण अर्थात म्हाडाने कामाठीपुरामध्ये ७८ मजली बिल्डिंग उभारण्याचा प्लॅन सरकारकडे पाठवला आहे. सरकारने जवळपास ३९ एकर परिसरातील विकासाची जबाबदारी म्हाडाकडे सोपावली आहे. पुनर्विकासादरम्यान म्हाडा इथे राहणाऱ्या ६ हजार पात्र कुटुंबांना मोफत घर देणार आहे.

दुसरीकडे म्हाडा गोरेगावमध्ये ३० मजली सर्वात उंच इमारत उभारणार आहे. तसंच बीडीडी चाळ प्रोजेक्ट अंतर्गत म्हाडा वरळीमध्ये ६६ मजली इमारत तयार करत आहे. बीबीडी चाळीत ६६ मजली इमारतीनंतर म्हाडाची दुसरी सर्वात मोठी उमारत ७८ मजली कामाठीपुरामध्ये असणार आहे. मुंबईत जागेची कमतरता असल्यामुळे कमी जागेत अधिकाधिक लोकांना जागा देण्यासाठी म्हाडा आता खासगी बिल्डरप्रमाणे उंच इमारती बांधण्याच काम करत आहे.

काय आहे म्हाडाचा प्लॅन?
म्हाडाने कामाठीपुरामध्ये दोन प्रकारच्या इमारती उभारण्याची योजना आखली आहे. स्थानिक नागरिकांसाठी ५८ मजली अशा १० इमारती उभारल्या जाणार आहेत. तर या प्रोजेक्टमध्ये खर्च होणाऱ्या वसुलीसाठी ७८ मजल्याच्या ८ इमारती उभारणार आहेत. ७८ मजली इमारतीच्या घरांची विक्री म्हाडाद्वारे केली जाणार आहे.

३९ एकर परिसरात जवळपास ४७५ सेस इमारती, १६३ इतर इमारती, १५ धार्मिक स्थळं, २ शाळा, ४ सरकारी कार्यालयं असणार आहेत. ही योजना सरकारकडे मंजुरीसाठी पाठवण्यात आला आहे. मंजुरी मिळाल्यानंतर टेंडरसाठी आमंत्रित केलं जाणार आहे.

कामाठीपुरातील नागरिकांना अशी मिळतील घरं
शासनाने जारी केलेल्या आदेशानुसार, ५० मीटरपर्यंतच्या जमिनीच्या मालकाला ५०० स्क्वेअर फूटचं घर, ५१ मीटर ते १०० मीटरपर्यंतच्या जमीन मालकाला ५०० स्क्वेअर फूटाची दोन घरं, १०१ मीटर ते १५१ मीटरपर्यंतच्या जमीनीच्या मालकाला ५०० स्क्वेअर फूटची ३ घरं, १५१ मीटर ते २०० मीटरच्या जमिनीच्या मालकाला ५०० स्क्वेअर फूटची ४ घरं देण्याचा निर्णय देण्यात आला आहे. तर २०० मीटरहून अधिक जमिनीच्या मालकाला प्रत्येक ५० मीटरच्या हिशोबाने ५०० स्क्वेअर फूटचं घर मोफत दिलं जाणार आहे.

काय आहेत फायदे?
कोलियर्स इंडियाचे व्यवस्थापकीय संचालक स्वप्निल अनिल यांनी दिलेल्या माहितीनुसार, ‘कामाठीपुरा मुंबईतील मधोमध असलेलं ठिकाण आहे. या प्रोजेक्टमुळे लोकांचं जीवनमान सुधारण्यासह संपूर्ण कुटुंबाचाही विकास होईल. याचा फायदा रिअल इस्टेट सेक्टरलाही होईल. मोठी घरं उभारत म्हाडा परवडणाऱ्या घरांसह लोकांना लग्झरी घरांचा पर्यायही देत आहे. तसंच या घरांच्या विक्रीमुळे म्हाडाचीही चांगली कमाई होईल.’

क्रेडाई एमसीएचआय अध्यक्ष डोमिनिक रोमेल यांनी दिलेल्या माहितीनुसार, मुंबईत सतत घरांच्या मागणीत वाढ होत आहे. अशात म्हाडाचा कामाठीपुरा प्रोजेक्ट मुंबईत घराचं स्वप्न पूर्ण करण्यासाठी महत्त्वाची भूमिका निभावेल.
सोडत काढली, नंबर लागला, पैसे भरले पण घरच नाही?; म्हाडाचा अधिकारी गैरहजर, रिकाम्या खुर्चीला हार घालून निषेध

काय असणार कामाठीपुरा प्रोजेक्टमध्ये?
३९ एकरमध्ये पसरलेला परिसर
६ हजार पात्र कुटुंब
४७५ सेस बिल्डिंग
१६३ इतर इमारती
५२ इमारती पडलेल्या आहेत
१५ धार्मिक स्थळं
२ शाळा
४ सरकारी कार्यालयं

म्हाडाकडे लँड बँक नाही. तसंच मुंबईत जागेची कमतरता असल्याने कमीत जागेत अधिक घरं उभारण्यासाठी म्हाडा आता उंच इमारती तयार करण्याची योजना आखत आहेत. अशाप्रकारे अधिक घरं तयार करुन लोकांना मोफत घरं देण्यासाठी इतर घरांमधून म्हाडा मोठी कमाई करेल.