‘यावेळी काही ना काही मोठा भूकंप होईल’; ठाकरे गटातील नेत्याचं विधान
![Chandrakant Khaire said that there will be some big earthquake at this time](https://mahaenews.com/wp-content/uploads/2024/07/uddhav-Thackeray-2-780x470.jpg)
मुंबई | राज्याच्या विधानसभा निवडणुका पुढच्या दोन तीन महिन्यांत जाहीर होण्याची शक्यता आहे. या पार्श्वभूमीवर सर्वच राजकीय पक्ष तयारीला लागले आहेत. राजकीय नेते विविध मतदारसंघाचा दौरा करत आढावा घेत आहेत. यातच शिवसेना ठाकरे गटाचे नेते, माजी खासदार चंद्रकांत खैरे यांनी मोठं विधान केलं आहे. काही ना काही मोठा भूकंप होईल, असं चंद्रकांत खैरेंनी म्हटलं आहे. त्यांच्या या विधानाची राजकीय वर्तुळाच चांगलीच चर्चा आहे.
चंद्रकांत खैरे म्हणाले, उद्धव ठाकरे यांनी मला जर सांगितलं की तुम्ही विधानसभा लढवा आणि निवडणुकीत गद्दारांचा पराभव करण्यासाठी तुम्हीच सक्षम उमेदवार आहात, असं ते म्हणाले. तर, माझी निवडणूक लढवण्याची तयारी आहे. सध्या तरी मी उद्धव ठाकरेंकडे उमेदवारीबाबत काहीही बोललो नाही. मात्र, यावेळी महाविकास आघाडी एक-एक उमेदवार निवडून आला पाहिजे, हे पाहून उमेदवारी देणार आहे.
हेही वाचा – Pune | मुख्यमंत्री माझी लाडकी बहीण योजनेकरीता जिल्ह्यात ९ लाखाहून अधिक अर्ज प्राप्त
मराठा आरक्षणाबाबतची भूमिका उद्धव ठाकरे स्पष्ट करतील. मात्र, संजय शिरसाट बोलले की, उद्धव ठाकरे यांनी मराठा आरक्षणाबाबतची भूमिका स्पष्ट करावी. मग संजय शिरसाट कोण सांगणारे? ते तर सत्ताधारी पक्षाचे प्रवक्ते आहेत ना? मुख्यमंत्री जे बोलतात ते करत नाहीत. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस आणि उपमुख्यमंत्री अजित पवार हे मराठा आरक्षणाबाबत काहीच बोलत नाहीत, असं चंद्रकांत खैरे म्हणाले.
सर्वेच्च न्यायालयात अपात्र आमदार प्रकरणाची ७ तारखेला सुनावणी होण्याची शक्यता आहे. यासंदर्भात विचारलं असता ते म्हणाले, यावेळी काही ना काही मोठा भूकंप होईल. आता आमच्या जिल्ह्यामधील पाच जण फुटलेले आहेत. त्यातील चारजण हे अपात्र प्रकरणामधील १६ आमदारांमध्ये आहेत, असं चंद्रकांत खैरे म्हणाले.