थायलंड गुहेतील मुलांना वाचवण्यासाठी एलॉन मस्कची छोटी पाणबुडी
चियांग राय – स्पेसएक्स चे एलॉन मस्क यांनी थायलंडमधील गुहेत अडकलेल्या मुलांना वाचवण्यासाठी एक छोटी पाणबुडी बनवली आहे. एलॉन मस्क यांची स्पेसएक्स रॉकेट कंपनी या पाणबुडीची चाचणी घेत आहे. त्याबाबतची माहिती त्यांनी ट्विटरवर दिली आहे. या पाणबुडीची चाचणी यशस्वी होताच 17 तासाच्या विमानप्रवासाने ही पाणबुडी थायलंडमध्ये पाठवण्यात येणार आहे.
23 जूनपासून थायलंडमधील गुहेत अडकून पडलेल्या 12 ज्युनियर फुटबॉलपटूंना आणि त्यांच्या कोचला वाचवण्यासाठी शर्थीचे प्रयत्न चालू आहेत. कालच त्यापैकी सहा जणांची सुटका करण्यात आल्याचे वृत्त आहे.
मस्क यांनी तयार केलेल्या अल्युमिनियमच्या पाणबुडीचे व्हिडियो ट्विटरवर पोस्ट केले आहेत. मस्क यांच्या मस्क्स बोरिंग कंपनीचे चार इंजिनीयर्स सध्या थायलंडमधील गुहेजवळ असून पाणबुडीसारख्या एखाद्या छोट्या उपकरणासाठी अधिकाऱ्यांनी विनंती केल्याचे त्यांनी सांगितले.