breaking-newsआंतरराष्टीय
#CoronaVirus: चीनमध्ये ९९ नवीन रुग्ण
बीजिंग : चीनमध्ये करोनाचे ९९ रुग्ण सापडले असून गेल्या काही आठवडय़ातील ही उच्चांकी संख्या आहे. लक्षणे न दाखवणारे नवे ६३ नवे रुग्ण सापडले असून एकूण रुग्णांची संख्या ८५,५०२ झाली आहे.
चीनच्या राष्ट्रीय आरोग्य आयोगाने म्हटले आहे की, चीनमध्ये १,२८० परदेशातून आलेले रुग्ण असून ४८१ रुग्णांना सोडण्यात आले आहे. तर ७९९ जणांवर उपचार सुरू आहेत. त्यात ३६ जणांची प्रकृती गंभीर आहे. करोनाचे नवे ९९ रुग्ण सापडले असून त्यात ९७ परदेशी लोक आहेत. शनिवारी लक्षणे नसलेले ६३ रुग्ण सापडले असून त्यात १२ परदेशातून आलेले आहेत. लक्षणे नसलेले एकूण १०८६ रुग्ण असून ३३२ लोक परदेशातून आलेले आहेत.