breaking-newsपुणेमहाराष्ट्र
मिलिंद कांबळे यांना लखनौ विद्यापीठाची ‘डॉक्टरेट’
पुणे : उद्योजक ‘पद्मश्री’ मिलिंद कांबळे यांना लखनौ येथील बाबासाहेब आंबेडकर केंद्रीय विद्यापीठाकडून ‘मानद डॉक्टरेट’ पदवीने सन्मानित करण्यात आले. कांबळे यांनी सामाजिक आणि औद्योगिक क्षेत्रात केलेल्या कार्याबद्दल त्यांना मानद डॉक्टर आॅफ सायन्स (डी.एस्सी) ही पदवी बहाल केली आहे.
विद्यापीठाच्या आठव्या पदवी प्रदान समारंभात त्यांना ही पदवी प्रदान करण्यात आली. लष्कर प्रमुख बिपीन रावत यांच्या हस्ते पदवीप्रदान झाले. कांबळे यांना प्रतिष्ठेचा ‘पद्मश्री’ पुरस्कार २०१३ मध्ये मिळाला. कांबळे हे व्यवसायाने सिव्हिल इंजिनिअर असून दलित इंडियन चेंबर आॅफ कॉमर्स असोसिएशन (डिक्की) या संस्थेची त्यांनी स्थापना केली. ही भारतातील दलित समाजातील पहिली वाणिज्य संघटना आहे.