पिंपरी चिंचवड | पिंपरी-चिंचवड शहरात आज (रविवारी, दि. 28) दिवसभरात 62 नवीन रुग्ण आढळले आहेत. तर 67 जणांना डिस्चार्ज देण्यात आला आहे. दिवसभरात एका रुग्णाचा कोरोनामुळे मृत्यू झाला आहे.शहरात कोरोनाबाधितांची आजवरची संख्या 2 लाख 77 हजार 446 एवढी झाली आहे. तर आजवर 2 लाख 73 हजार 314 जणांना डिस्चार्ज देण्यात आला आहे.रविवारी शहरातील एका रुग्णाचा मृत्यू झाला आहे. आजवर कोरोनामुळे पिंपरी-चिंचवड शहरातील 4 हजार 509 रुग्णांचा मृत्यू झाला आहे. शहरात 354 रुग्ण सक्रिय आहेत. त्यातील 137 जणांना गृह विलगीकरणात ठेवण्यात आले आहे. 217 जणांवर शहरातील रुग्णालयांमध्ये उपचार सुरू आहेत.
पिंपरी चिंचवड शहरात रविवारी पालिकेच्या 69 आणि खासगी 132 लसीकरण केंद्रांवर 14 हजार 383 नागरिकांचे लसीकरण झाले. आजवर शहरातील 25 लाख 39 हजार 666 जणांनी लस घेतली आहे.
