TOP News । महत्त्वाची बातमीक्रिडाताज्या घडामोडी

भारत-न्यूझीलंड पहिली कसोटी पहाटे ३:३० वाजता सुरू होणार; जाणून घ्या संपूर्ण वेळापत्रक

वेलिंग्टनच्या बेसिन रिझर्व्ह मैदानावर रंगणार पहिला सामना; गवताळ खेळपट्टी आणि वेगवान गोलंदाजांच्या स्विंगकडे भारतीय फलंदाजांचे लक्ष

वेलिंग्टन : भारत आणि न्यूझीलंड यांच्यातील दोन सामन्यांच्या कसोटी मालिकेला उद्यापासून सुरुवात होणार असल्याची माहिती देण्यात आली आहे. मालिकेतील पहिला सामना वेलिंग्टन येथे खेळवला जाणार आहे. वर्ल्ड टेस्ट चॅम्पियनशिपच्या (WTC) अंतिम फेरीत स्थान मिळवण्याच्या आशा कायम ठेवण्यासाठी भारतीय संघासाठी ही मालिका महत्त्वाची ठरणार आहे. त्यामुळे दोन्ही कसोटी सामन्यांत भारतीय संघाला दमदार कामगिरी करावी लागणार आहे.

भारतात कसोटी सामने साधारणपणे सकाळी ९ ते १० वाजण्याच्या सुमारास सुरू होतात. मात्र, न्यूझीलंडमधील सामन्यांचे वेळापत्रक भारतीय चाहत्यांसाठी वेगळे असणार आहे. पहिला कसोटी सामना भारतीय प्रमाणवेळेनुसार पहाटे ३ वाजून ३० मिनिटांनी सुरू होईल. दिवसाचा खेळ सकाळी १० वाजून ३० मिनिटांपर्यंत चालणार आहे.

भारत विरुद्ध न्यूझीलंड पहिली कसोटी : सत्रांच्या वेळा

पहिल्या कसोटी सामन्यातील तीन सत्रांचे वेळापत्रक पुढीलप्रमाणे आहे.

  • पहिले सत्र : पहाटे ३:३० ते ५:३०
  • दुसरे सत्र : सकाळी ६:१० ते ८:१०
  • तिसरे सत्र : सकाळी ८:३० ते १०:३०

भारतीय चाहत्यांना सामना पाहण्यासाठी पहाटेपासूनच दूरचित्रवाणी किंवा डिजिटल माध्यमांवर लक्ष ठेवावे लागणार आहे.

हेही वाचा –  शेतकऱ्यांना त्रास देणाऱ्या फायनान्स कंपन्यांविरोधात गावकऱ्यांनी एकत्र यावे; मनोज जरांगे पाटील यांचे आवाहन

वेलिंग्टनची खेळपट्टी वेगवान गोलंदाजांना साथ देणार?

भारत आणि न्यूझीलंड यांच्यातील पहिली कसोटी वेलिंग्टन येथील बेसिन रिझर्व्ह क्रिकेट मैदानावर खेळवली जाणार आहे. या मैदानावर खेळपट्टीसोबतच वाऱ्याची दिशाही सामन्यात महत्त्वाची भूमिका बजावू शकते.

भारतीय संघाचे गोलंदाजी प्रशिक्षक मॉर्न मॉर्केल यांनी वाऱ्याचा चेंडूच्या स्विंग आणि सीमवर परिणाम होण्याची शक्यता व्यक्त केली आहे. वेलिंग्टनच्या खेळपट्टीवर गवत असल्याचे काही फोटो समोर आले आहेत. त्यामुळे वेगवान गोलंदाजांना चेंडू स्विंग आणि सीम करण्यासाठी अनुकूल परिस्थिती मिळू शकते.

अशा परिस्थितीत फलंदाजांसमोर धावा करण्याचे आव्हान असेल. वेगवान गोलंदाजांना मदत मिळाल्यास कमी धावसंख्येचा रोमांचक सामना पाहायला मिळण्याची शक्यता आहे. भारतीय फलंदाजांना न्यूझीलंडच्या गोलंदाजीचा सामना करताना संयम आणि तंत्राची कसोटी द्यावी लागेल.

महाईन्यूज-X वर फॉलो करा : महाईन्यूजला instagram वर फॉलो करा

Job AlertJob Alert Job Alert Job Alert Job Alert

Related Articles

Leave a Reply

Your email address will not be published. Required fields are marked *

Back to top button
Join WhatsApp Group