राजमाता जिजाऊ कॉलेज ठरले आंतरमहाविद्यालयीन व्हॉलिबॉल स्पर्धेचे अजिंक्यपद विजेते!
पुणे विभागीय क्रीडा स्पर्धा उत्साहात संपन्न; ७६ महाविद्यालयांचा होता सहभाग
पुणे: सावित्रीबाई फुले पुणे विद्यापीठ, पुणे विभागीय क्रीडा समिती आणि राजमाता जिजाऊ शिक्षण प्रसारक मंडळ यांच्या संयुक्त विद्यमाने आयोजित करण्यात आलेल्या आंतरमहाविद्यालयीन व्हॉलिबॉल स्पर्धेत यजमान राजमाता जिजाऊ शिक्षण प्रसारक मंडळ (RJSPM) संघाने दणदणीत विजय मिळवत अजिंक्यपद पटकावले. तीन दिवस चाललेल्या या स्पर्धा अत्यंत उत्साही आणि खेळीमेळीच्या वातावरणात पार पडल्या.
या भव्य स्पर्धेत पुणे विभागातील एकूण ७६ महाविद्यालयांच्या संघानी अत्यंत जोशपूर्ण सहभाग नोंदवला होता. स्पर्धेचा अंतिम सामना RJSPM संघ आणि AIT संघ यांच्यात अतिशय अटीतटीचा झाला. या रोमांचक सामन्यात उत्कृष्ट खेळाचे प्रदर्शन करत RJSPM संघाने अंतिम बाजी मारली आणि विजेतेपद आपल्या नावावर केले.
हेही वाचा – सोमेश्वर साखर कारखाना निवडणुकीत पार्थ पवारांचा विजयाचा विश्वास; ‘२१ पैकी २१ जागा जिंकण्याचा प्रयत्न’
स्पर्धेच्या यशस्वी आयोजनासाठी पुणे विद्यापीठाचे विभागीय सहसचिव व क्रीडा संचालक डॉ. गणेश चव्हाण, प्रा. पानसरे, स्वाती मॅडम, श्री. बोचरे, श्री. भोर व त्यांच्या सहकाऱ्यांनी अथक परिश्रम घेतले.
या संपूर्ण क्रीडा महोत्सवाकरिता संस्थेचे संस्थापक-अध्यक्ष तथा भोसरीचे प्रथम आमदार मा. श्री. विलास लांडे, सचिव श्री. सुधीर मुंगसे, खजिनदार श्री. अजित गव्हाणे, विश्वस्त श्री. विक्रांत लांडे, रजिस्ट्रार सौ. अश्विनी भोसले, प्राचार्य डॉ. कानडे, प्राचार्य डॉ. काकडे, प्राचार्य किरण चौधरी, प्राचार्य सौ. उर्मिला जाधव तसेच सर्व महाविद्यालयांच्या प्राச்சार्थ्यांचे बहुमूल्य मार्गदर्शन व सहकार्य लाभले.
स्पर्धेत यश संपादन करणाऱ्या विजेत्या संघाचे आणि विद्यार्थ्यांचे सर्वमान्य मान्यवरांनी विशेष कौतुक करून अभिनंदन केले असून, त्यांच्या उज्ज्वल भविष्यासाठी सदिच्छा व्यक्त केल्या आहेत.
महाईन्यूज-X वर फॉलो करा : महाईन्यूजला instagram वर फॉलो करा
