मिरज शासकीय रुग्णालयात मोठी दुर्घटना; प्रवेशद्वाराच्या कमानीचा स्लॅब कोसळला

मिरज : मिरज येथील शासकीय रुग्णालयाच्या प्रवेशद्वारावर उभारण्यात येत असलेल्या नवीन कमानीचा स्लॅब अचानक कोसळल्याने मोठी दुर्घटना घडली आहे. स्लॅब टाकण्याचे काम सुरू असताना ही दुर्घटना घडल्याची प्राथमिक माहिती आहे.

स्लॅबचा मोठा भाग अचानक कोसळल्याने कामाच्या ठिकाणी असलेल्या कामगारांमध्ये गोंधळ उडाला. या दुर्घटनेत सात ते आठ कामगार गंभीर जखमी झाल्याची प्राथमिक माहिती समोर आली आहे. तसेच दोन जणांचा मृत्यू झाल्याची माहिती मिळत आहे.

हेही वाचा –  पिंपरी चिंचवड महापालिकेकडून वाघेश्वर घाट परिसराचे सुशोभीकरण….

दुर्घटनेनंतर घटनास्थळी मदत आणि बचावकार्य सुरू करण्यात आले असून, जखमी कामगारांना उपचारासाठी रुग्णालयात दाखल करण्यात येत आहे. दुर्घटनेचे नेमके कारण अद्याप स्पष्ट झालेले नसून, अधिकृत माहितीनंतर मृतांचा आणि जखमींचा नेमका आकडा स्पष्ट होण्याची शक्यता आहे.

मिरज येथील शासकीय वैद्यकीय महाविद्यालयाशी संलग्न शासकीय रुग्णालय असल्याची अधिकृत नोंद आहे. दुर्घटनेच्या पार्श्वभूमीवर बांधकामाच्या सुरक्षिततेबाबत आणि कामाच्या ठिकाणी आवश्यक सुरक्षा उपाययोजना करण्यात आल्या होत्या का, याबाबतही तपास होण्याची शक्यता आहे.

महाईन्यूज-X वर फॉलो करा : महाईन्यूजला instagram वर फॉलो करा