मुंब्रा: विद्यार्थ्यांमध्ये सायबर क्राईम, ऑनलाइन फसवणूक आणि सुरक्षित डिजिटल पद्धतींबाबत जनजागृती निर्माण करण्याच्या उद्देशाने 04 ऑगस्ट 2026 रोजी पटेल हायस्कूल, मुंब्रा येथे माहिती विद्यार्थ्यांसाठी सायबर क्राईम जनजागृती सत्राचे आयोजन करण्यात आले.
हे सत्र अमृता पवार आणि साक्षी पाटोळे, प्रगती कॉलेज ऑफ आर्ट्स अँड कॉमर्स, डोंबिवली पूर्व येथील S.Y. B.Sc. IT च्या विद्यार्थिनींनी घेतले.
आजच्या डिजिटल युगात मोबाईल फोनचा वाढता वापर, GPay आणि FamPay सारख्या डिजिटल पेमेंट अॅप्सचा वापर तसेच Instagram, YouTube आणि ऑनलाइन गेम्सवर घालवला जाणारा वेळ सामान्य झाला आहे. त्यामुळे सायबर सुरक्षिततेबाबत जनजागृती करणे अत्यंत महत्त्वाचे झाले आहे.
ही गरज लक्षात घेऊन “सायबर शिक्षा फॉर सायबर सुरक्षा” या उपक्रमांतर्गत सायबर क्राईम जनजागृती सत्र आयोजित करण्यात आले.
या सत्रादरम्यान विद्यार्थ्यांना सायबर क्राईम म्हणजे काय, सायबर गुन्हे कसे घडतात आणि ऑनलाइन धोक्यांपासून स्वतःचे संरक्षण कसे करावे याबाबत सविस्तर माहिती देण्यात आली. फेक लिंक, फोटो मॉर्फिंग, व्हिडिओ कॉल स्कॅम, OTP फसवणूक आणि व्हायरस यांसारख्या महत्त्वाच्या विषयांवरही मार्गदर्शन करण्यात आले.
या सत्राला विद्यालयातील अधिकारी आणि प्राध्यापकांचे मोलाचे सहकार्य लाभले. त्यांच्या सहकार्यामुळे आणि प्रोत्साहनामुळे सायबर जनजागृती सत्र यशस्वीपणे पार पडले.
हे सत्र अत्यंत संवादात्मक आणि माहितीपूर्ण ठरले. विद्यार्थ्यांनी उत्स्फूर्त सहभाग घेतला, आपले अनुभव सांगितले आणि विविध प्रश्न विचारले. सायबर सुरक्षेबाबत विद्यार्थ्यांनी दाखवलेली उत्सुकता आणि जिज्ञासा विशेष उल्लेखनीय होती.
विद्यालयातील शिक्षकांनी या सत्राचे कौतुक केले आणि उत्कृष्ट अभिप्राय दिला. सध्याच्या डिजिटल वातावरणात सत्रादरम्यान देण्यात आलेली माहिती अत्यंत उपयुक्त आणि महत्त्वपूर्ण असल्याचे त्यांनी नमूद केले.
प्रगती कॉलेज आणि Quick Heal Foundation यांच्या सहकार्याने राबविण्यात आलेल्या या उपक्रमामुळे विद्यार्थ्यांमध्ये सायबर सुरक्षिततेबाबत जनजागृती निर्माण करण्यात महत्त्वाची भूमिका बजावली.
विद्यालयातील अधिकारी, प्राध्यापक तसेच Quick Heal Foundation यांच्या मार्गदर्शन, सहकार्य आणि समन्वयामुळे अमृता पवार आणि साक्षी पाटोळे संध्या सहानी यांना या महत्त्वपूर्ण उपक्रमाचा भाग होता आले. त्यांच्या मार्गदर्शनामुळे विद्यार्थ्यांना सायबर सुरक्षिततेच्या क्षेत्रात अधिक जागरूक होण्यासाठी आणि नवीन गोष्टी शिकण्यासाठी एक उत्तम संधी मिळाली.
महाईन्यूज-X वर फॉलो करा : महाईन्यूजला instagram वर फॉलो करा
