प्रभाग ५ मध्ये परिवर्तनाचे वारे; राष्ट्रवादी काँग्रेसकडून अमर फुगे मैदानात!

पिंपरी-चिंचवड | प्रतिनिधी

आगामी महानगरपालिका निवडणुकीच्या पार्श्वभूमीवर पिंपरी-चिंचवडमधील राजकीय वातावरण तापू लागले असून, प्रभाग क्रमांक ५ मधून राष्ट्रवादी काँग्रेस पक्षाने अमर फुगे यांना अधिकृत उमेदवारी जाहीर केली आहे. गेल्या दहा वर्षांपासून प्रभागातील नागरिकांशी असलेले अतूट नाते, सातत्यपूर्ण सामाजिक कार्य आणि ‘थेट उपलब्ध’ नेतृत्वशैली यामुळे त्यांच्या उमेदवारीला सुरुवातीपासूनच चांगला प्रतिसाद मिळताना दिसत आहे.

नगरसेवक नसतानाही अमर फुगे यांनी गेल्या दशकभरात प्रभागातील नागरिकांच्या सुख-दुःखात सक्रिय सहभाग घेतला आहे. पाणीपुरवठा, रस्ते, स्वच्छता, सामाजिक प्रश्न यावर त्यांनी विविध सामाजिक उपक्रमांच्या माध्यमातून पुढाकार घेतला. “नगरसेवक नसलो तरी लोकसेवक म्हणून काम करणे कधीच थांबवले नाही,” ही त्यांची भूमिका प्रभागातील नागरिकांमध्ये विश्वास निर्माण करणारी ठरत आहे.

प्रभागातून स्थानिक उमेदवार असावा, ही नागरिकांची दीर्घकालीन मागणी अमर फुगे यांच्या उमेदवारीमुळे पूर्ण झाल्याचे चित्र आहे. स्थानिक असल्याने प्रत्येक गल्ली, प्रत्येक समस्येची त्यांना सखोल माहिती आहे. त्यामुळे उमेदवारी जाहीर होताच विविध सामाजिक, युवक आणि ज्येष्ठ नागरिक गटांकडून त्यांना उत्स्फूर्त पाठिंबा मिळत आहे.

हेही वाचा –  महिला सक्षमीकरण आणि विकास मॉडेलवर ठाम भर : भीमाताई फुगे

प्रचारातील पंचसूत्री अजेंडा

निवडणूक प्रचारात अमर फुगे यांनी विकासाचा स्पष्ट रोडमॅप मांडला असून, त्यांचा भर पुढील मुद्द्यांवर आहे—
1. स्थानिक प्रश्नांवर ठाम भूमिका: पाणी, रस्ते व स्वच्छतेच्या समस्यांवर कायमस्वरूपी उपाय.
2. विकासाभिमुख दृष्टिकोन: केवळ आश्वासनांऐवजी प्रत्यक्ष कृतीवर भर.
3. संघटनात्मक बळ: युवक व ज्येष्ठांचे संघटन करून प्रभागाचा सर्वांगीण विकास.
4. थेट संवाद: तक्रारींसाठी सदैव खुले कार्यालय आणि नागरिकांशी नियमित संवाद.
5. भविष्यातील संकल्पना: आधुनिक सुविधा आणि तंत्रज्ञानाने युक्त ‘स्मार्ट प्रभाग’.

महाईन्यूज-X वर फॉलो करा : महाईन्यूजला instagram वर फॉलो करा

“मी केवळ राजकारण म्हणून नाही, तर समाजकार्याची तळमळ म्हणून निवडणुकीच्या रिंगणात उतरलो आहे. गेल्या दहा वर्षांत जनतेने माझ्यावर जो विश्वास टाकला आहे, त्याला पात्र ठरण्यासाठी मी विकासाच्या अजेंड्यावरच निवडणूक लढवणार आहे. “नगरसेवक नसतानाही मी तुमच्यासोबत राहिलोय; आता विकासासाठी तुमच्या विश्वासाचा आदर करत प्रभाग ५ ला एकत्र पुढे नेतो.”

– अमर फुगे, उमेदवार, राष्ट्रवादी.