मुंबई ते गोवा वंदे भारत एक्सप्रेसची ट्रायल चाचणी पूर्ण, अवघ्या 7 तासात अंतर केले पार
मुंबई/मडगाव: मुंबई ते गोव्याला धावणाऱ्या वंदे भारत एक्स्प्रेसने सात तासात चाचणी पूर्ण केली आहे. मुंबई ते गोवा धावणाऱ्या वंदे भारत एक्स्प्रेसची (मुंबई ते गोवा वंदे भारत) चाचणी मंगळवारी पार पडली. पहाटे 5.50 वाजता मुंबईहून निघालेली ट्रेन अवघ्या सात तासांत अंतर कापून 12.50 वाजता गोव्याच्या मडगावला पोहोचली. मात्र, या संपूर्ण प्रवासात गाडी (वंदे भारत एक्सप्रेस) एकाही स्थानकावर थांबली नाही. वंदे भारत ट्रेन ताशी १८० किलोमीटर वेगाने धावली.
मुंबईहून धावणाऱ्या ३ वंदे भारत ट्रेन
वंदे भारत एक्सप्रेस ही भारतीय रेल्वेद्वारे चालवली जाणारी इलेक्ट्रिक मल्टी-युनिट ट्रेन आहे. सध्या तीन वंदे भारत एक्सप्रेस गाड्या मुंबई आणि अहमदाबाद, मुंबई आणि सोलापूर आणि मुंबई आणि शिर्डी दरम्यान धावतात. अधिका-यांनी सांगितले की, रेल्वे लोकप्रिय मुंबई-गोवा मार्गावर वंदे भारत एक्सप्रेस गाड्या चालवण्याच्या शक्यतेचा शोध घेत आहे. कारण वर्षभर येथे मोठी गर्दी असते. मुंबई-गोवा वंदे भारत ही भारताच्या आर्थिक राजधानीतून धावणारी चौथी सेमी-हाय-स्पीड ट्रेन असेल. मुंबईहून सध्या तीन वंदे भारत ट्रेन धावत आहेत. यामध्ये मुंबई सेंट्रल- अहमदाबाद – गांधीनगर राजधानी, मुंबई – साईनगर शिर्डी आणि मुंबई – सोलापूर वंदे भारत एक्सप्रेस गाड्यांचा समावेश आहे.
वंदे भारत ही लक्झरी सुविधांनी सुसज्ज असलेली ट्रेन आहे
वंदे भारत ही देशातील लक्झरी सुविधांनी सुसज्ज असलेली ट्रेन आहे. या ट्रेनमध्ये स्वत: उघडणारे दरवाजे, ऑनबोर्ड वाय-फाय, जीपीएस-आधारित प्रवासी माहिती प्रणाली, बायो-व्हॅक्यूम टॉयलेट आणि वाढीव आरामासाठी सुधारित आसन व्यवस्था असलेले एअर-स्वीपिंग डिझाइन कोच आहेत. रेल्वे अधिकाऱ्यांनी सांगितले की, ट्रेनमध्ये अशी ब्रेकिंग सिस्टीम देखील आहे. जी 30 टक्के ऊर्जा वाचवू शकते. ट्रेनला एक्झिक्युटिव्ह क्लासचे डबे आहेत. ज्यामध्ये रिव्हॉल्व्हिंग चेअर्स आहेत ज्या 180 डिग्री पर्यंत फिरू शकतात. भारतीय रेल्वे 2023 च्या अखेरीस 75 वंदे भारत ट्रेन देशभरात प्रमुख मार्गांवर चालवण्याच्या योजनेवर काम करत आहे.
