अमरावती जिल्ह्यात मुसळधार पावसाची हजेरी, मान्सूनपूर्व धारा!

अमरावती जिल्ह्यात सध्या वादळी वाऱ्यासह तुफान पाऊस सुरू आहे. तिवसा तालुक्यात मेघगर्जनेसह वादळी पावसाला सुरुवात झाली असून शेतीच्या कामांनाही सुरुवात झाली आहे. बुधवारीही अमरावती शहरात वादळी पाऊस झाला. तर हवामान खात्याने दिलेल्या माहितीनुसार, पुढील तीन दिवस विदर्भात आणखी पावसाची शक्यता आहे.

हवामान विभागाने दोन दिवसांआघीच मुंबई, कोकण, विदर्भ आणि पश्‍चिम महाराष्ट्रात मान्सून अलर्ट दिला होता. पश्‍चिमेकडे निर्माण झालेले कमी दाबाचे क्षेत्र आणि बंगालच्या उपसागरातील चक्रीय स्थितीमुळे देशातल्या बहुतेक राज्यात मान्सूनपूर्व सरी कोसळण्याचा अंदाज आहे. महाराष्ट्रात कोल्हापूरसह कोकण आणि विदर्भाच्या काही भागांत पुढील चार दिवस ढगांच्या गडगडाटासह आणि विजांच्या कडकडाटासह पाऊस पडणार असल्याचा हवामान विभागाचा अंदाज आहे.

दरम्यान, हवामान खात्याच्या अंदाजानुसार, कोकणात २९ मेपर्यंत ढगाळ वातावरण आणि पावसाची शक्यता आहे. तर मध्य महाराष्ट्रा आणि विदर्भात आज कोरडे हवामान असून २९ मेपर्यंत ढगाळ वातावरण असेल, असा अंदाज आहे.