मुंबईतल्या बँडस्टँड या ठिकाणी समुद्रात बुडून २९ वर्षांच्या तरूणाचा मृत्यू
मुंबईतल्या वांद्रे या उपनरात असलेल्या बँडस्टँड या भागात समुद्रात बुडून एका २९ वर्षांच्या तरूणाचा मृत्यू झाला आहे. या तरूणाचे नाव काय तो समुद्रात कसा काय बुडाला हे समजू शकलेले नाही. मात्र २९ वर्षीय तरूणाचा बँडस्टँड येथील समुद्रात बुडून मृत्यू झाला. एएनआयने या संदर्भातले वृत्त दिले आहे.
बांद्रा येथील बँडस्टँडलगत असलेल्या समुद्रात याआधीही बुडून काही तरूणांचा तसेच काही जोडप्यांचा मृत्यू झाल्याच्या घटना घडल्या आहेत. या ठिकाणी खोल समुद्रात जाऊ नये असं आवाहन करणारा फलकही आहे. तरीही या ठिकाणी जाणारे लोक समुद्रात जातात. पाण्याचा अंदाज न आल्याने बुडतात अशा घटना याआधीही घडल्या आहेत. आज पुन्हा एकदा अशाच प्रकारची घटना समोर आली आहे.
या तरूणाची ओळख अद्याप पटू शकलेली नाही. मुंबईतल्या बँडस्टँड या ठिकाणी हा तरूण फिरायला आला असावा त्याचवेळी समुद्रात बुडून त्याचा मृत्यू झाला. याप्रकरणी पुढील तपास पोलीस करत आहेत.