- बेस्टकडून मिनी वातानुकूलित बस गाडय़ा
ऐन निवडणुकीच्या तोंडावर बेस्ट उपक्रमाने १ ऑक्टोबरपासून प्रवाशांसाठी तीन मार्गावर सात वातानुकूलित मिनी बसगाडय़ा सुरू केल्या आहेत. प्रभादेवी, सिद्धिविनायक, बेलार्ड पियर परिसरात या वर्तुळाकार बस सेवा दिली जात असल्याची माहिती बेस्ट उपक्रमाने दिली.
बस मार्ग क्रमांक ए-५४ ही कोहिनूर पी.पी.एल ते सिद्धिविनायक मंदिर ते कोहिनूर पी.पी.एल. वर्तुळाकार वातानुकूलित बस सेवा १ ऑक्टोबरपासून सुरू करण्यात आली. बस क्रमांक ५४ ची पहिली बस फेरी सकाळी आठपासून, तर याच मार्गावर ए-५५ बस धावत असून त्याची पहिली फेरी सकाळी ८.२० पासून होत आहे. प्रभादेवी स्थानक ते महिंद्रा टॉवर ते प्रभादेवी स्थानक अशी आणखी एक बस सेवाही सुरू करताना सकाळी सात ते रात्री दहापर्यंत दर १४ मिनिटाला एक फेरी बसची होत आहे. ही विजेवर धावणारी बस असल्याचे सांगितले.
