सोलापूर – घरातील कौटुंबिक वादातून थोरल्या भावाने झोपेत असलेल्या आई व पोलीस असलेल्या भावासह भावाची पत्नी व लहान मुलगा यांना अंगावर रॉकेलसदृश्य ज्वालाग्रही पदार्थाने पेटवून देवून हत्या केल्याची घटना शुक्रवारी मध्यरात्री 1 वाजण्याच्या सुमारास खांडवी तालुका बार्शी येथे घडली. कस्तुरबाई कुरुंदास देवकते (वय 65), राहुल कुरुंदास देवकते (वय 35), सुषमा राहुल देवकते (वय 30) व आर्य राहुल देवकते (वय 2) अशी मयत झालेल्यांची नावे आहेत.
घटनेनंतर स्फोट झाल्याने शेजारच्यांना हा प्रकार समजला. घरामध्ये मोठ्या प्रमाणात आग लागली असल्याने कोणाला आत जाता आले नाही. 15 मिनिटात पोलीस घटनास्थळी आल्यानंतर गावकर्‍यांनी पोलिसांच्या मदतीने भाजलेल्या चौघांंना बाहेर काढले. यामध्ये आर्य व सुषमा यांचा जागेवरच होरपळून मृत्यू झाला होता तर राहुल व आई कस्तुरबाई यांना उपचारासाठी बार्शी व त्यानंतर उस्मानाबादमध्ये दाखल करण्यात आले. यामध्ये रामचंद्र हा देखील भाजला असून त्याच्यावर उस्मानाबाद येथे उपचार चालू आहेत.
