Maharashtra Rain : राज्यातील ‘या’ जिल्ह्यांना पावसाचा यलो अलर्ट जारी
पुणे : ऑक्टोंबर हिटनंतर नोव्हेंबर महिन्यातील गुलाबी थंडी सुरु झाली होती. मात्र दोन दिवसांपासून वातावरणात अचानक बदल झाला आहे. गेल्या २४ तासांत राज्यातील अनेक भागांत पाऊस झाला. दरम्यान, हवामान विभागाने राज्यातील काही जिल्ह्यांना पावसाचा यलो अलर्ट जारी केला आहे.
हवामान विभागाने दिलेल्या माहितीनुसार, देशात कर्नाटक, केरळ आणि तामिळनाडूत मुसळधार पावसाचा अंदाज आहे. आंध्र प्रदेश आणि लक्षद्वीपमध्ये मध्यम पाऊस होणार आहे. तेलंगणा, अंदमान आणि निकोबार द्विप समूह, कोकण, गोवा आणि मध्य महाराष्ट्रात पावसाची शक्यता आहे.
हेही वाचा – Diwali 2023 : दिवाळीचा आज पहिला दिवस वसूबारस, जाणून घ्या पूजा करण्याची पद्धत
8 नोव्हेंबर, IMD मॉडेल मार्गदर्शनानुसार दक्षिण #कोकण भागांसह दक्षिण #मध्यमहाराष्ट्राच्या काही भागांमध्ये पुढील 24 तासांत तुरळक प्रमाणात पाऊस पडण्याची शक्यता आहे.
पुढील २,३ दिवस या भागात अंशत: ढगाळ आकाश कायम राहील. pic.twitter.com/1ET7xoD4qG— K S Hosalikar (@Hosalikar_KS) November 8, 2023
राज्यात ‘या’ जिल्ह्यांना यलो अलर्ट
मुंबई हवामान विभागाने रत्नागिरी, सिंधुदुर्ग, कोल्हापूर, सातारा, सांगली आणि सोलापूर जिल्ह्यांसाठीही यलो अलर्ट जारी केला आहे. तसेच येत्या २४ तासांत पुणे, सातारा, अहमदनगर, कोल्हापूर, सांगली, सोलापूर, रायगड, रत्नागिरी, सिंधुदुर्ग, धाराशिव, बीड, लातूर, नांदेड या जिल्ह्यांमध्ये पावसाची शक्यता व्यक्त केली आहे.