कारच्या भरधाव धडकेत सहा जणांचा जागीच मृत्यू; काँग्रेस आमदाराच्या जावयाला अटक
अहमदाबादः एका भरधाव कारने ऑटो रिक्षा आणि बाइकस्वाराला जोराची धडक दिल्याने अपघात घडला आहे. हा अपघात इतका भीषण होता की रिक्षातील प्रवासी आणि बाईकस्वाराचा एकूण सहा जणांचा मृत्यू झाला आहे. कार चालवणारी व्यक्तीही काँग्रेस आमदार पूनम परमार यांचा जावई असल्याचं बोललं जात आहे. गुजरातमधील आनंद जिल्ह्यात ही घटना घडली आहे. (anand gujarat accident news today)
पोलिसांनी आमदाराच्या जावयावर हिट अँड रन केसची तक्रार दाखल केली आहे. पोलिसांनी दिलेल्या माहितीनुसार, रिक्षात ४ आणि बाईकवरुन दोन जण जात होते. या वेळी चार जणांचा जागीच मृत्यू झाला तर, दोघांना रुग्णालयात नेत असताचा मृत्यू झाला. ऑटोमध्ये असलेल्या चारही लोक एकाच कुटुंबातील असून आईसोबत दोन मुली होत्या. ज्या भावाला राखी बांधून घरी परतत होत्या.
आरोपीचे नाव केतन पधियार असं असून तो काँग्रेस आमदार पूनम परमार यांचा जावई असल्याचं पोलिसांनी म्हटलं आहे. भारतीय दंडसंहिता ३०४ अंतर्गंत आरोपीला अटक केली आहे. या घटनेत सहा जणांचा जागीच मृत्यू झाला आहे. तर, आरोपीच्या ड्रायव्हरवर रुग्णालयात उपचार सुरू आहेत. याप्रकरणी पोलिस अधिक तपास करत आहेत, अशी माहिती पोलीस अधिकारी अभिषेक गुप्ता यांनी दिली आहे.