लाख मोलाचा आंबा! देशातील सर्वात महागड्या आंब्यांची किंमत वाचून थक्क व्हाल, चार गार्ड सुरक्षेसाठी तैनात
![Mango worth lakhs! You will be amazed to read the price of the most expensive mango in the country, four guards deployed for security](https://mahaenews.com/wp-content/uploads/2022/06/Mango-worth-lakhs-You-will-be-amazed-to-read-the-price-of-the-most-expensive-mango-in-the-country-four-guards-deployed-for-security.jpg)
जबलपूर: देशात एक किलो आंब्याची किंमत किती असेल? फार नसावी; पण मध्य प्रदेशातील जबलपूर येथे एक किलो आंब्यांची किंमत तब्बल अडीच लाख रुपये आहे. हा आंबा जपानमधील ‘तैयो नो तमागो’च्या बरोबरीचा आहे.जबलपूरमधील संकल्पसिंह यांच्या १२ एकर शेतात हा आंबा आहे. तिथे त्यांनी आंब्याची अनेक झाडे लावली आहेत. तिथे हा आंबा तयार झाला आहे. जपानमध्ये या आंब्याची किंमत अडीच लाख रुपये आहे. संकल्पसिंग जपानला गेले असता तिथे त्यांना हा आंबा दिसला. तो अत्यंत आकर्षक दिसतो. तसाच आंबा त्यांनी पिकवला. त्याचे पहिले फळ त्यांनी बाबा महाकालाला अर्पण केले. या आंब्याचे वजन ९०० ग्रॅम आहे. यामुळे हा आंबा पाहण्यासाठी अनेक लोक येतात. रात्रीच्या वेळी या आंब्याचे रक्षण करणे कठीण होते; पण नंतर मी आंब्याच्या रक्षणासाठी १२ श्वान पाळले. आता त्यांच्याबरोबरीने दिवसा सुरक्षा रक्षकही ठेवले आहेत. तरीही फळ चोरीला जाण्याची भीती आहे, असे संकल्पसिंह म्हणाले.
जपानमध्ये या आंब्याची किंमत अडीच लाख रुपये असली तरी भारतात तेव्हढी किंमत मिळत नाही. हा आंबा खूप महाग आहे आणि श्रीमंतच तो खरेदी करू शकतात. आतापर्यंत या आंब्याला भारतात किलोला ५० हजार रुपये किंमत मिळाली आहे. माझे स्वत:चे रेस्टॉरंट आहे. तिथे हा आंबा ठेवण्यात आला आहे, असे संकल्पसिंह म्हणाले.