Uncategorizedताज्या घडामोडीपुणे
पत्नीला आत्महत्येला प्रवृत्त केल्याप्रकरणी ; पतीला पोलिस कोठडी
![Induced wife to commit suicide; Husband to police custody](https://mahaenews.com/wp-content/uploads/2022/03/maharashtra-times-1.jpg)
प्रतिनिधी, पुणे
निकीतकुमार जितेंद्र मलके (वय २६, रा. खराडी, मूळ रा. शहापूर, ता. इचलकरंजी) असे आरोपीचे नाव आहे. या प्रकरणी आत्महत्या केलेल्या विवाहितेच्या वडिलांनी चंदननगर पोलिस ठाण्यात फिर्याद दाखल केली आहे. त्यानुसार, महिलेचा पती, सासू, सासरा आणि दीराविरोधात गुन्हा दाखल करण्यात आला आहे. ही घटना २८ मार्च रोजी सायंकाळी सव्वापाचच्या सुमारास खराडी परिसरात घडली. सासरच्या मंडळींच्या सततच्या त्रासाला कंटाळून विवाहितेने राहत्या घरी गळफास घेऊन आत्महत्या केली, असे फिर्यादीत नमूद आहे. या प्रकरणी पोलिसांनी पतीला अटक करून न्यायालयात हजर केले. गुन्ह्याच्या तपासासाठी; तसेच अन्य आरोपींचा शोध घेऊन त्यांना अटक करण्यासाठी आरोपीला पोलिस कोठडी देण्याची विनंती सहायक सरकारी वकील योगेश कदम यांनी केली.