पावसाळी अधिवेशनात राफेल विमान करार, बेरोजगारी, लसीकरण मुद्यावरून काँग्रेस, मोदी सरकारला कोंडीत पकडणार
नवी दिल्ली: १९ जुलैपासून सुरू झालेल्या संसदेच्या पावसाळी अधिवेशनात कोविड व्यवस्थापन, तीन कृषी कायद्यांविरोधात शेतकरी आंदोलन आणि इंधन दरवाढीसह अनेक मुद्द्यांबाबत कॉंग्रेसने भाजपप्रणित सरकारला धारेवर धरण्यासाठी ६ कलमी अजेंडा निश्चित करण्यात आला आहे. वृत्तसंस्था एएनआयने याबाबत माहिती दिली आहे.
कॉंग्रेसच्या अध्यक्षा सोनिया गांधी यांच्या अध्यक्षतेखाली पक्षाच्या संसदीय रणनीती गटाची बैठक झाली.या बैठकीत भाग घेतलेले एक कॉंग्रेस नेते म्हणाले, कारोंना काळात मोदी सरकारच्या गैरव्यवस्थेचा मुद्दा कॉंग्रेसने उपस्थित करण्याचा निर्णय घेतला आहे. दुसर्‍या लाटेचा देशावर फार वाईट परिणाम झाला आणि लाखो लोकांचा मृत्यू आणि लसीकरणाच्या अभावाचा मुद्दाही उपस्थित करेल आणि त्याच्या तयारीसाठी केंद्र सरकारला लक्ष्य करेल. करोना नंतर वाढणारी बेरोजगारी हा पक्ष आणखी एक मुद्दा उपस्थित करेल.
याशिवाय कॉंग्रेस नेते म्हणाले, “राफेल विमान कराराच्या मुद्दय़ावरूनही सरकारला कोंडीत पकडेल आणि प्रश्न उपस्थित करेल कारण फ्रान्समधील एजन्सींनी चौकशी सुरू केली आहे.” एलएसीवर चिनी कारवाई, कृषी कायद्याविरूद्ध शेतकरी आंदोलन, पेट्रोल व डिझेल दरवाढीबाबत आम्ही आक्रमक होण्याचे आम्ही ठरविले आहे.
वृत्तसंस्था पीटीआयने दिलेल्या वृत्तानुसार सूत्रांनी दिलेल्या माहितीनुसार कॉंग्रेसच्या नेतृत्वातून पक्षाच्या संसदीय संघात कोणत्याही प्रकारचे बदल होण्याचे संकेत मिळालेले नाहीत आणि अधीर रंजन चौधरी लोकसभेत पक्षाचा नेता म्हणून कायम राहतील. वास्तविक, गेल्या काही दिवसांपासून लोकसभेतील कॉंग्रेसचे नेते अधीर रंजन चौधरी यांना हटवले जाऊ शकते अशी चर्चा होती.
