तुला येथे राहू नको, असे सांगितलेले कळत नाही का, असे म्हणत सासरी आलेल्या महिलेला दोघा जणांनी शिवीगाळ करून मारहाण
परभणी: तुला येथे राहू नको, असे सांगितलेले कळत नाही का, असे म्हणत सासरी आलेल्या महिलेला दोघा जणांनी शिवीगाळ करून मारहाण केल्याची संतापजनक घटना घडलीये. परभणी तालुक्यातील धारणगाव येथे ही घटना घडली आहे. या प्रकरणी महिलेने दिलेल्या तक्रारीवरून ग्रामीण पोलीस ठाण्यामध्ये दोन आरोपी विरोधात गुन्हा दाखल करण्यात आला आहे. बापूराव बाजीराव वायभासे, कृष्णा बापूराव वायभासे असे गुन्हा दाखल झालेल्या आरोपीचे नाव आहे. सध्या ग्रामीण पोलीस या घटनेचा अधिक तपास करत आहेत.
मुक्ता ज्ञानेश्वर वायभासे या परभणी तालुक्यातील धारणगाव येथे सासूला भेटण्यासाठी सासरी गेल्या होत्या. यावेळी त्या ठिकाणी बापूराव बाजीराव वायभासे, कृष्णा बापूराव वायभासे हे दोघेजण आले. त्यांनी संगणमत करून तुला येथे राहू नको, असे सांगितलेले कळत नाही का, असे म्हणून महिलेला शिवीगाळ करण्यास सुरुवात केली. यावेळी महिलेने विरोध केला असता दोघजणांनी मुक्ता ज्ञानेश्वर वायभासे यांना विटकरीने मारून जखमी केले.
यासोबतच शिवीगाळ करून जीवे मारण्याची धमकीही दिली. हा प्रकार घडल्यानंतर मुक्ता ज्ञानेश्वर वायभासे यांनी ग्रामीण पोलीस ठाणे गाठून तक्रार दिली. त्यांनी दिलेल्या तक्रारीवरून आरोपी बापूराव बाजीराव वायभासे, कृष्णा बापूराव वायभासे यांच्या विरोधात गुन्हा दाखल करण्यात आला आहे. घटनेचा अधिक तपास ग्रामीण पोलीस ठाण्याचे सहाय्यक पोलीस उपनिरीक्षक बारी हे करत आहेत.