शिरुरमध्ये ढगफुटी सदृश पाऊस, नागरिकांच्या घरात पाणी

पुणे : पुणे जिल्ह्यात अनेक ठिकाणी मुसळधार पावसाने हजेरी लावली होती. त्यात शिरूर तालुक्यातील सणसवाडी परिसरात मंगळवारी काल रात्री ढगफुटी सदृश्य पावसाने तुफान झोडपले आहे. अचानक आलेल्या पावसाने नागरिकांच्या घरात पाणी शिरले. त्यामुळे नागरिकांची एकच तारांबळ उडाल्याचे पाहायला मिळाले. पावसाळा सुरु असण्याचा शेवटचा महिना आहे. त्यामुळे अनेक ठिकाणी जोरदार पाऊस पडत आहे. जिल्ह्यातील अनेक नदी नाले ओसंडून वाहू लागले आहेत. त्यातच शिरूर तालुक्यात पावसाचा जोर मोठा होता. ओढे नाले भरून वाहू लागले तसेच अनेक नागरिकांच्या घरातही पाणी शिरल्याने पाहायला मिळाले.