सीबीआयने बांधकाम व्यावसायिक अविनाश भोसले यांना दिला मोठा दणका; मोठा दणका देत केले हेलिकॉप्टर जप्त
![CBI gives a big bang to construction businessman Avinash Bhosale; The helicopter was seized with a bang](https://mahaenews.com/wp-content/uploads/2022/07/CBI-gives-a-big-bang-to-construction-businessman-Avinash-Bhosale-The-helicopter-was-seized-with-a-bang.jpg)
पुणे : सीबीआयने बांधकाम व्यावसायिक अविनाश भोसले यांना मोठा दणका दिला आहे. मोठी कारवाई करत सीबीआयने भोसले यांचे हेलिकॉप्टर जप्त केले आहे. सीबीआयने जप्त केलेले हे हेलिकॉप्टर ऑगस्टा वेस्टलँड कंपनीचे आहे. या कारवाईद्वारे सीबीआयने बांधकाम व्यावसायिक भोसेल यांना मोठा धक्का दिल्याचे बोलले जात आहे.
युनियन बँक ऑफ इंडियाच्या नेतृत्वाखालील १७ बँकांच्या कन्सोर्टियमला ३४ हजार ६१५ कोटी रुपयांचे नुकसान करणाऱ्या DHFL च्या घोटाळ्यात त्याचा सहभाग असल्याचा आरोप अविनाश भोसले यांच्यावर आहे. याच कारवाईचा एक भाग म्हणून ऑगस्टा वेस्टलँड कंपनीचे असलेले हेलिकॉप्टर आज सीबीआयकडून जप्त करण्यात आले आहे.
डीएचएफएल प्रकरणात तीनशे कोटींपेक्षा जास्तीची फसवणूक केल्याप्रकरणी पुण्यातील बांधकाम व्यावसायिक अविनाश भोसले यांना सीबीआय कडून अटक करण्यात आली आहे. डीएचएफएल प्रकरणात त्यांच्याविरोधात गुन्हा नोंदवण्यात आला होता. त्यानंतर त्यांच्यावर कारवाई करण्यात आली.
गेल्या काही दिवसांमध्ये अविनाश भोसले यांच्या पुणे-मुंबई परिसरात सीबीआय ने छापेमारी केली होती. त्यानंतर त्यांना अटक करण्यात आली.