राजीव गांधी खेलरत्न पुरस्कार जाहीर, रोहीत शर्मा आणि कुस्तीपटू विनेश फोगट यांची मोहोर
![](https://mahaenews.com/wp-content/uploads/2020/08/rohit-and-phogat.jpg)
नवी दिल्ली – राजीव गांधी खेलरत्न पुरस्कार जाहीर झाले असून भारतीय क्रिकेट संघाचा हिटमॅन रोहित शर्मा आणि महिला कुस्तीपटू विनेश फोगट यांना हा पुरस्कार मिळाला आहे. रोहित आणि विनेश फोगाट यांच्याव्यतिरीक्त महिला टेबलटेनिसपटू मनिका बत्रा आणि पॅरालिम्पिकपटू मारियाप्पन थंगावेलू आणि हॉकीपटू राणी यांना राजीव गांधी खेल रत्न पुरस्कार मिळाला आहे. खेलरत्न मानाचा पुरस्कार मिळवणारा रोहित शर्मा चौथा क्रिकेटपटू आहे. २९ ऑगस्ट रोजी व्हर्चुअल पद्धतीने या पुरस्काराचे वितरण करण्यात येणार आहे.
याआधी सचिन तेंडुलकर, महेंद्रसिंह धोनी, विराट कोहली यांना खेलरत्न पुरस्काराने गौरवण्यात आलेलं आहे. सचिनला 1998 साली, धोनीला 2007 तर विराटला 2018 साली हा पुरस्कार मिळाला होता. मंगळवारी राष्ट्रीय क्रीडा पुरस्कार निवड समितीची बैठक झाली. या बैठकीत या रोहित, विनेश फोगाटसह अन्य दोन नावांवर शिक्कामोर्तब करण्यात आलं. 2019 वर्ल्डकप स्पर्धेत रोहित शर्माने 5 शतकं झळकावत स्वतःला सिद्ध केलं होतं. त्यामुळे बीसीसीआयने त्याचं नाव खेलरत्न पुरस्कारासाठी दिलं होतं.
द्रोणाचार्य पुरस्कार (लाइफ टाइम कॅटेगरी)
खेळाडू | खेळ |
धर्मेंद्र तिवारी | आर्चरी |
पुरुषोत्तम राय | एथलेटिक्स |
शिव सिंह | बॉक्सिंग |
कृष्ण कुमार हूडा | कबड्डी |
रमेश पठानिया | हॉकी |
नरेश कुमार | टेनिस |
विजय भालचंद्र मुनिश्वर | पैरा पॉवर लिफ्टिंग |
ओम प्रकार दाहिया | रेसलिंग |
अर्जुन पुरस्काराचे मानकरी
खेळाडू | खेळ |
अतनु दास | आर्चरी |
दुती चंद | एथलेटिक्स |
सात्विक साईराज | बैडमिंटन |
चिराट शेट्टी | बैडमिंटन |
विशेष | बास्केटबॉल |
सूबेदार मानिक कौशिक | बॉक्सिंग |
लवलीना | बॉक्सिंग |
इशांत शर्मा | क्रिकेट |
दीप्ति शर्मा | महिला क्रिकेट |
सावंत अजय | इक्विस्ट्रियन |
संदेश झिंगन | फुटबॉल |
अदिति अशोक | गोल्फ |
आकाशदीप सिंह | हॉकी |
दीपिका | हॉकी |
दीपक | कबड्डी |
सारिका सुधाकर | खो-खो |
दत्तू बबन | रोइंग |
मनु भाकर | शूटिंग |
सौरभ चौधरी | शूटिंग |
मधुरिका सुहास | टेबल टेनिस |
दिविज सरन | टेनिस |
शिवा केशवन | विंटर स्पोर्ट्स |
दिव्या काकरन | रेसलिंग |
राहुल अवारे | रेसलिंग |
सुयश नारायण जाधव | पैरा स्वीमिंग |
संदीप | पैरा एथलेटिक्स |
मनीष नरवाल | पैरा शूटिंग |