केंद्रीय राज्यमंत्री मुरलीधर मोहोळ यांनी पोलिसांना ‘त्या’ प्रकरणावरून सुनावलं म्हणाले…

0 10,033 1 minute read

पुणे : शिवजयंतीच्या दिवशी पुण्यातील कोथरुड भागातील भाजप कार्यकर्त्याला बेदम मारहाण झाल्याची घटना घडली होती. या घटनेनेमुळे मोठी खळबळ उडाली होती. यामुळे शहरातील कायदा सुव्यवस्थेचा प्रश्न पुन्हा एकदा ऐरणीवर आला आहे. पोलिसांनी या प्रकरणी तिघांना ताब्यात घेतले आहे. तर ज्या व्यक्तीला मारहाण झाली ती व्यक्ती केंद्रीय राज्यमंत्री मुरलीधर मोहोळ यांच्या कार्यालयात सोशल मीडियाचे काम पाहत असल्याची माहिती आली होती. या संपूर्ण प्रकरणावर मोहोळ यांनी माध्यमांना आपली प्रतिक्रिया दिली आहे. मारहाण झालेल्या व्यक्तीचे नाव देवेंद्र जोग असून, तो माझ्या कार्यालयात काम करत नसल्याचे म्हटले आहे. या प्रकरणी आता केंद्रीय राज्यमंत्री मुरलीधर मोहोळ यांनी पुणे शहरात अशा प्रकारच्या घटना घडता कामा नये, असे म्हटले आहे.

कोथरूड भागातील देवेंद्र जोग हा भाजपच अनेक वर्षांपासून काम करित आहे. तर तो माझ्या ऑफिसमध्ये काम करीत नाही. पण त्याला ट्रॅफिकमधून जाताना मारहाण झाल्याची घटना घडली आहे. त्याबाबत पोलीस प्रशासन चर्चा केली आहे. या घटनेतील काही आरोपींना अटक देखील झाली आहे. पण मला एक सांगायचे की, पुणे शहरातील कोणत्याही भागात अशा घटना घडता कामा नये, त्या पार्श्वभूमीवर पुणे पोलिसांनी कडक कारवाई केली पाहिजे, अशी भूमिका मोहोळ यांनी मांडली.

हेही वाचा – सांगवी येथे पवनाथडी जत्रेचे आमदार शंकर जगताप यांच्या हस्ते उद्घाटन

पुणे शहरात गुंडाची ओळख परेड काढून पोलिसांनाकडून दम भरण्यात आला. सोशल मीडियाच्या रिल्सच्या माध्यमातून दहशत निर्माण करण्याचा प्रयत्न केला जात आहे. पोलिसांकडून यावर अॅक्शन घेतली जात असली तरी अजूनही असे प्रकार थांबण्याचे नाव घेत नाही. यावर प्रश्न विचारला असता मोहोळ यांनी आता पुणे पोलिसांनी आत्मपरीक्षण केले पाहिजे, असे म्हणत पुणे पोलिसांना चांगलचं सुनावलं आहे.

पुणे शहराची संस्कृती वेगळी आहे. माझ्या पुणे शहराचे नाव खराब नाही झाले पाहिजे, आमच्या नव्या पिढीने हे आदर्श घ्यायचे का ? या सर्व गोष्टी लक्षात घेऊन पुणे शहरातील सर्व घटना थांबल्या पाहीजेत, त्यामुळे आता पुणे पोलिसांनी आत्मपरीक्षण केले पाहिजे, त्याचबरोबर सोशल मीडिया जे काही चाललय, त्याबाबत पुणे पोलीस डोळे बंद करून बसले आहेत का ? आम्ही लोकप्रतिनिधी म्हणून दहा वेळा एकच गोष्ट सांगायची का ? आता याकडे पुणे पोलिसांनी लक्ष दिले पाहिजे, अशा कडक शब्दात त्यांनी पोलिसांना सुनावले.

शिवजयंतीच्या दिवशी पुण्यातील कोथरुड भागात सायंकाळी दुचाकीस्वारून जाणाऱ्या देवेंद्र जोग यांना मिरवणुकीतून दुचाकी काढण्याचा प्रयत्न करत असल्याने मारहाण झाली होती. जोग हे भाजपचे कार्यकर्ते असल्याचे समोर आले आहे. पोलिसांनी या प्रकरणी मारहण करणाऱ्या तिघांना अटक केली आहे.