विद्यार्थ्यांची मज्जा! मार्च, एप्रिल महिना सुट्ट्यांचा; जाणून घ्या कोणते आहेत दिवस?

पुणेः फेब्रुवारी महिना संपायला अवघी काही दिवस शिल्लक राहिलेले आहेत. हा महिना २८ दिवसांचा असल्याने महिन्याचा शेवट लवकर होणार आहे. शालेय विद्यार्थ्यांना आणि पालकांना सर्वात जास्त उत्सुकता असते ती सुट्यांची. याचे कारण म्हणजे मुलांना सुट्ट्या मिळाल्या तर पालक त्यांना बाहेर घेऊन फिरवायला जायचा प्लान आखतात. मार्च आणि एप्रिल महिन्यात मोठ्या सुट्ट्या विद्यार्थ्यांना मिळणार आहेत. त्यानुसार पालक फिरायला जायचा प्लान करू शकतात. नेमक्या मार्च आणि एप्रिल महिन्यात किती सुट्या असणार आहेत, याविषयी सविस्तर जाणून घेऊयात..

मार्च महिन्यात होळी, धूलिवंदन, गुढीपाडवा, रमजान ईद आहेत. तसेच काही शाळांना शनिवारीच्याही सुट्ट्या दिल्या जातात. होळी १३ तारेखला असून त्यापाठोपाठ दुसऱ्या दिवशी १४ तारखेला धूलिवंदन सण आहे. त्याच्यानंतर १७ मार्चला तिथीनुसार छत्रपती शिवाजी महाराजांची जयंती आहे. महिन्याच्या शेवटी लागोपाठ दोन सुट्ट्या आहेत. ३० तारखेला गुढीपाडवा आणि ३१ तारखेला रमजान ईद असल्याने या दोन दिवस शाळांना सुट्टी देण्यात येणार आहे.

हेही वाचा –  राजभवनाच्या जागेला राज्य सरकारकडून मान्यता, पीएमआरडीए मेट्रो प्रवाशांसाठी उन्नत पादचारी पूल करणार

एप्रिल महिन्यात रविवार ६ एप्रिल रोजी राम नवमीची सुट्टी, १० एप्रिलस गुरुवारी महावीर जयंतीची सुट्टी आणि १८ एप्रिल शुक्रवारी गुड फ्रायडेची सुट्टी असणार आहे. याशिवाय महिन्यात चार रविवारी असल्याने त्याही सुट्ट्या असणार आहेत. यामुळे मार्च आणि एप्रिल महिन्या सुट्ट्यांच असणार आहे. यामुळे विद्यार्थ्यांची मज्जा असणार आहे.

महाईन्यूज-X वर फॉलो करा : महाईन्यूजला instagram वर फॉलो करा