पुणे जिल्हा न्यायालयाच्या रजिस्ट्रारने जारी केलेल्या एका कथित नोटीसमुळे वाद निर्माण झाला आहे. या नोटीसमध्ये महिला वकिलांना ‘न्यायालयात केस बांधू नये, यामुळे न्यायालयाच्या कामकाजात अडथळा निर्माण होतो’ अशी सूचना करण्यात आली आहे. दरम्यान, पुणे बार असोसिएशनने आपल्या कार्यालयाला अशी कोणतीही नोटीस मिळाली नसल्याचं सांगितलं आहे.
ज्येष्ठ वकील इंदिरा जयसिंग यांनी ट्विटरला नोटीसचा फोटो शेअर केला होता. “वाह..हे पाहा! महिला वकिलांमुळे कोण विचलित होत आहे आणि का?”. फोटोनुसार ही नोटीस २० ऑक्टोबरला जारी करण्यात आली आहे.
दरम्यान, पुणे बार असोसिएशनचे अध्यक्ष पांडुरंग थोरवे यांनी आपल्या कार्यालयाला अशी कोणतीही नोटीस प्राप्त झाली नसल्याचं सांगितलं आहे. मात्र बार अँच बेंच वेबसाईटने अज्ञात सूत्रांच्या हवाल्याने दिलेल्या माहितीनुसार, आक्षेप घेण्यात आल्यानंतर शनिवारी ही नोटीस मागे घेण्यात आली.
Wow now look ! Who is distracted by women advocates and why ! pic.twitter.com/XTT4iIcCbx
— Indira Jaising (@IJaising) October 23, 2022
पांडुरंग थोरवे यांनी सांगितलं की “आमच्या कार्यालयाला नमूद तारखेला कोणतीही नोटीस प्राप्त झालेली नाही. नियमानुसार, वकिलांशी संबंधित सर्व नोटीस पुणे बार असोसिएशनकडे पाठवल्या जातात. हे प्रकरण माझ्या लक्षात आणून दिल्यानंतर मी न्यायालय परिसरात आलो आणि ज्या ठिकाणी नोटीस लावलेली असू शकते अशा सर्व जागांची पाहणी कली. पण मला कुठेही अशी नोटीस दिसली नाही”. आम्ही याप्रकरणी अधिक माहिती घेत असल्याचंही ते म्हणाले आहेत.
