नागपंचमी निमित्त विद्यानिकेतन व विद्याव्हॅली स्कूल मध्ये सर्प समज, गैरसमज व उपाययोजना या कार्यक्रमांचे आयोजन…

चाकण : श्री.एस. पी. देशमुख शिक्षण संस्थेच्या विद्याव्हॅली इंटरनॅशनल स्कूल व विद्यानिकेतन स्कूल चाकण या प्रशालेमध्ये नागपंचमी हा सण कसा साजरा करावा याचे मार्गदर्शन करण्यात आले. सदर कार्यक्रम ९ ऑगस्ट २०२४ रोजी विद्यालयाच्या प्रांगणा मध्ये घेण्यात आला. सदर कार्यक्रमासाठी वसुंधरा बहुउद्देशीय संस्था चाकणचे कार्याध्यक्ष मा. श्री.श्रीराम पाटील, मनीष भुजबळ, निरंजन भुजबळ व संस्थेच्या संचालिका व कन्या विद्यालयाच्या आदर्श शिक्षिका विजयाताई पाटील यांची प्रमुख अतिथी व मार्गदर्शिका म्हणून उपस्थिती होत्या. उपस्थित मान्यवरांचे पुष्पगुच्छ देऊन स्वागत करण्यात आले.

त्यानंतर विद्या निकेतन व विद्या व्हॅली इंटरनॅशनल स्कूल मध्ये नागपंचमी दिनाचे औचित्य साधून ‘सर्प समज, गैरसमज व उपाययोजना’ या संदर्भात विशेष माहिती विद्यार्थ्यांना मिळावी या उद्देशाने हा कार्यक्रम दर वर्षी प्रमाणे करण्यात आला. सदर कार्यक्रम तीन टप्प्यांमध्ये घेण्यात आला. सर्व प्रथम सर्पा विषयी माहिती त्यानंतर सर्प दंशानंतर घ्यावयाची काळजी व सर्प कसा शेतकऱ्याचा मित्र आहे याची माहिती व सर्प संरक्षणासाठी घ्यावयाची काळजी अशा पद्धतीने विद्यार्थ्यांना माहिती देण्यात आली. त्याचबरोबर विषारी, निमविषारी व बिनविषारी सापाच्या जाती दाखवण्यात आल्या. तसेच विद्यार्थ्यांनी बिनविषारी साप हाताळले.
तसेच श्रीराम पाटील यांनी नाग या सापाविषयी माहिती दिली व सापाच्या वेगवेगळ्या प्रकार व प्रत्यक्षात त्या सापांना दाखवून त्यांची माहिती दिली. या पैकी नाग, मण्यार, घोणस, फुरसे या जातीच्या सापांची छायाचित्रे दर्शविले. तसेच सापांचे वैज्ञानिक कारण समजू घ्या व सापाला २६० दात असतात त्यात दिनचर व निशाचर अश्या सापांची माहिती दिली व विद्यार्थ्यांच्या शंकांचे निरसन केले.
तसेच पुढील प्रथमोपचार मार्गदर्शन श्रीराम पाटील व मनीष भुजबळ यांनी केले आणि त्यांच्या भाषणातून साप दंशानंतर आपण कोणते प्रथम उपचार केले पाहिजे व ते प्रत्यक्षात त्यांनी करूनही दाखवली.
संस्थेचे अध्यक्ष शामराव देशमुख व सचिव रोहिणी देशमुख तसेच
विद्यालयाच्या प्राचार्या स्वाती रणदिवे व दीपक शिंदे यांच्या मार्गदर्शनाखाली सुंदर कार्यक्रमाचे आयोजन करण्यात आले.

सदर कार्यक्रमात पाहुण्याचे स्वागत दीपक शिंदे यांनी केले. तर कार्यक्रमाची सांगता विद्यालयातील शिक्षिका सौ.सुजाता ढेरंगे यांच्या आभार प्रदर्शनाने झाली.