ऊसतोडणी मजुरांच्या ट्रॉलीला आयशर टेम्पोची धडक; नऊ जण गंभीर जखमी
![Eicher Tempo hits a trolley of carpenters; Nine seriously injured](https://mahaenews.com/wp-content/uploads/2022/04/Eicher-Tempo.png)
पुणे | ऊस तोडणीसाठी निघालेल्या मजुरांच्या ट्रॉलीला भरधाव वेगाने जाणाऱ्या आयशर टेम्पोने धडक दिल्याने भीषण अपघात झाला आहे. या अपघातात ७ मजूरांसह ९ जण गंभीर जखमी झाले आहेत. याप्रकरणी बारामती पोलिसात गुन्हा दाखल झाला आहे.
प्रत्यक्षदर्शींनींनी सांगितली घटना…
बारामती मोरगाव रस्त्यावर नेपतवळण जवळ पावणेपाच वाजण्याच्या सुमारास हा भीषण अपघात झाला. प्रत्यक्षदर्शींनींनी सांगितलेल्या माहितीनुसार, माळेगाव सहकारी साखर कारखान्याचे ऊस तोडणी मजूर आपल्या ट्रॅक्टर ट्रॉलीतून ऊस तोडणीसाठी जात होते. पहाटे पावणेपाच वाजण्याच्या सुमारास बारामती मोरगाव रस्त्यावरील नेपतवळण येथे पाठीमागून येणाऱ्या आयशर टेम्पोने जोरदार धडक दिली.
या अपघातात एकनाथ गर्दाळ चव्हाण, हिराबाई एकनाथ चव्हाण, भाऊसाहेब एकनाथ चव्हाण, बाजीराव तुकाराम जाधव, मंजुळा बाजीराव जाधव, अशोक एकनाथ चव्हाण, अंजू अशोक चव्हाण, रवींद्र बाजीराव जाधव (४ वर्ष) राधा बाजीराव जाधव (दिड वर्षे) इम्तियाज मलिक (चालक), साहिल मलिक हे गंभीर जखमी झाले आहेत. त्यांना बारामती येथील खाजगी रुग्णालयात उपचारासाठी दाखल करण्यात आले आहे.