TOP Newsताज्या घडामोडीपुणे
चतु:श्रृंगी पोलीस ठाण्यातील लाचखोर पोलिसांना पकडले
![Chatu: Bribery cops caught from Shringi police station](https://mahaenews.com/wp-content/uploads/2022/11/bribery-arrest-780x470.jpg)
पुणे : चतु:श्रृंगी पोलीस ठाण्यातील दोन पोलीस कर्मचाऱ्यांना लाचलुचपत प्रतिबंधक विभागाने (एसीबी) २५ हजारांची लाच घेताना रविवारी सायंकाळी पकडले. चतु:शृंगी पोलीस ठाण्याच्या अंतर्गत असलेल्या ओैंध पोलीस चौकीतील दोन पोलिसांनी एकाकडे २५ हजारांची लाच मागितली होती. तक्रारदाराने याबाबत लाचलुचपत प्रतिबंधक विभागाकडे तक्रार दिल्यानंतर रविवारी सायंकाळी सापळा लावून दोन पोलीस कर्मचाऱ्यांना २५ हजारांची लाच घेताना पकडण्यात आले.
लाचखोर पोलीस कर्मचाऱ्यांची नावे रात्री उशीरापर्यंत समजू शकली नाहीत. दोघांच्या विरोधात चतु:शृंगी पोलीस ठाण्यात गुन्हा दाखल करण्याचे काम सुरू होते. पोलीस अधीक्षक राजेश बनसोडे, अतिरिक्त अधीक्षक सूरज गुरव यांच्या मार्गदर्शनाखाली ही कारवाई करण्यात आली.