कै. गो. नी. दांडेकर करंडक एकांकिका स्पर्धेचा शानदार जल्लोष!

तळेगाव दाभाडे : अखिल भारतीय मराठी नाट्य परिषद, तळेगाव दाभाडे शाखेच्या वतीने कै. पै. मोहन महादेव काकडे यांच्या स्मरणार्थ आयोजित कै. थोर साहित्यिक गो. नी. दांडेकर करंडक एकांकिका स्पर्धा मोठ्या उत्साहात संपन्न झाली. ११ व १२ फेब्रुवारी २०२५ रोजी झालेल्या या स्पर्धेत मावळ तालुक्यातील विविध शाळांनी सहभाग घेतला.

विद्यार्थ्यांनी अभिनय, दिग्दर्शन, लेखन आणि नेपथ्य कौशल्यांचे उत्कृष्ट सादरीकरण करत रसिक प्रेक्षकांची मने जिंकली. स्पर्धेच्या निमित्ताने लहान वयातच नाट्यकलेची आवड आणि सृजनशीलता फुलवणाऱ्या कलाकारांना एक हक्काचे व्यासपीठ मिळाले.

स्पर्धेतील विजेते :

प्राथमिक विभाग :

🏆 प्रथम क्रमांक – जैन इंग्लिश स्कूल (लांबच लांब शेपूट)
🥈 द्वितीय क्रमांक – पैसा फंड प्राथमिक शाळा (यात चूक कुणाची?)
🥉 तृतीय क्रमांक – आदर्श विद्या मंदिर (जादूचा शेव)

माध्यमिक विभाग :

🏆 प्रथम क्रमांक – आदर्श विद्या मंदिर (पार्श्वसंगीत)
🥈 द्वितीय क्रमांक – गुरुकुल प्राथमिक शाळा, लोणावळा (आता तरी कळलं का?)
🥉 तृतीय क्रमांक – जैन इंग्लिश स्कूल (लांबचलांब शेपूट)

सर्वोत्कृष्ट अभिनय पुरस्कार:

⭐ कु. आदिती गुडम (आई)
⭐ अन्वेश हिंगे (काळू)
⭐ समर्थ कालेकर (सास)
⭐ प्रियदर्शनी कैरवाउंगी (सोनी)
⭐ आयुष ढोरे (आता तरी कळलं का?)

विशेष पुरस्कार:

🎭 सर्वोत्कृष्ट दिग्दर्शन:
* प्रथम – श्री सुमेध सोनवणे (यात चूक कोणाची? – पैसा फंड प्राथमिक शाळा)
* द्वितीय – सौ. श्रद्धा अल्हाट (खोट्याच्या पदरी गोरा – कृष्णराव भेगडे हायस्कूल)

✍ सर्वोत्कृष्ट लेखन:
* प्रथम – ज्योती कोरे (लांबच लांब शेपूट – जैन इंग्लिश स्कूल)
* द्वितीय – मेघना वीरकर (एक वचन असेही – सह्याद्री इंग्लिश मीडियम स्कूल)

📜 नेपथ्य:
* प्रथम – जाई गायकवाड (जैन इंग्लिश स्कूल)
* द्वितीय – श्रीहरी तनपुरे (आदर्श विद्या मंदिर)

🎼 पार्श्वसंगीत:
* ऋग्वेद अराणके (सह्याद्री इंग्लिश मीडियम स्कूल)

🏅 वैयक्तिक अभिनय पुरस्कार:
* प्रथम – अनिशा गायकवाड (सह्याद्री इंग्लिश स्कूल)
* द्वितीय – श्रेयश महाले (आदर्श विद्या मंदिर)
* तृतीय – श्रुतिका लांडे (जैन इंग्लिश स्कूल)

हेही वाचा  :  आता रुग्णांना मिळणार ‘विशेष’ ओळख, रुग्णालयांना ‘युनिक आयडी’द्वारे मिळवता येणार माहिती

बक्षीस समारंभ व मान्यवरांचे मार्गदर्शन

स्पर्धेचे परीक्षण ज्येष्ठ रंगकर्मी मधुवंती हसबनीस, चेतन पंडित आणि विराज सवाई यांनी केले. प्रत्येक सादरीकरणाला रसिक प्रेक्षकांनी भरभरून दाद दिली.

बक्षीस वितरण सुप्रसिद्ध अभिनेते सिद्धेश्वर झाडबुके यांच्या हस्ते पार पडले. त्यांनी अभिनयातील वाचन, संवाद कौशल्य आणि आत्मविश्वास वाढवण्याचे महत्त्व पटवून दिले.

भविष्यातील संधी आणि पुढील योजना

स्पर्धेच्या यशस्वी आयोजनासाठी नयना डोळस, दीपाली पाटील, मंजुश्री बारणे, भगवान शिंदे, अशोक जाधव, मीनल रणदिवे, योगंधरा बढे, हर्षल आल्पे, महेश लोखंडे, ज्योती राठोड आदी कार्यकर्त्यांनी विशेष मेहनत घेतली.

तळेगावकर रसिकांनी या स्पर्धेला उत्स्फूर्त प्रतिसाद दिला. आयोजकांनी पुढील वर्षी स्पर्धेचा अजून भव्य आविष्कार रसिकांसमोर आणण्याचे आश्वासन दिले आहे. ही स्पर्धा नवोदित कलाकारांसाठी प्रेरणादायी ठरली आहे.

महाईन्यूज-X वर फॉलो करा : महाईन्यूजला instagram वर फॉलो करा