breaking-newsक्रिडाताज्या घडामोडीपुणे
विराट कोहलीला पहायचाय रायगड किल्ला, छत्रपतींना घातलं साकडं
![](https://mahaenews.com/wp-content/uploads/2019/10/Virat-with-Sambhaji-Maharaj.jpg)
भारतीय क्रिकेट संघाचा कर्णधार विराट कोहली आणि खासदार छत्रपती संभाजी महाराज यांची नुकतीच पुण्यात भेट झाली. भारतीय संघ सध्या पुण्याच्या गहुंजे मैदानावर कसोटी सामना खेळतोय. तिसऱ्या दिवसाच्या खेळानंतर विराट आणि छत्रपती संभाजी महाराज यांची भेट झाली, या भेटीदरम्यान विराटने संभाजी महाराजांकडे रायगड किल्ला पाहण्याची इच्छा व्यक्त केली आहे.
छत्रपती संभाजी महाराजांनी आपल्या या भेटीचे फोटो सोशल मीडियावर शेअर केले आहेत.
बीसीसीआयच्या निवड समितीचे सदस्य जतीन परांजपे यांनी विराट आणि संभाजी महाराज यांची भेट घडवून आणली. यावेळी संभाजी महाराजांनी महाराष्ट्रातील गड-किल्ल्यांविषयी करत असलेल्या कामाची मागणी केली. ज्यानंतर विराटने स्वतः संभाजी महाराजांकडे रायगड पाहण्याची इच्छा व्यक्त केली.