breaking-newsताज्या घडामोडीपुणे
ताम्हिणी घाटात कारला मोठा अपघात, तिघे जागीच ठार
![](https://mahaenews.com/wp-content/uploads/2020/02/1-22.jpg)
पुणे |महाईन्यूज|प्रतिनिधी|
पुणे-माणगाव महामार्गावर ताम्हिणी घाटात एका कारला झालेल्या भीषण अपघातात तिघे जण जागीच ठार झाले आहेत, तर दोघे गंभीर जखमी झाले आहेत. जखमींना उपचारासाठी माणगाव उपजिल्हा रुग्णालयात हलविण्यात आलं आहे.
पुण्याहून दिवे आगारच्या दिशेनं जात असताना मध्यरात्री दोन वाजण्याच्या सुमारास हा अपघात झाला. ताम्हिणी घाटात कोंडेसर गावाजवळ असताना चालकाला डुलकी लागल्यानं त्याचं कारवरील नियंत्रण सुटलं आणि कार रस्त्यालगतच्या झाडावर जाऊन आदळली. निखिल गुळे, चंद्रकांत निकम, विक्रम सिंग अशी मृतांची नावं आहेत. जखमींमध्ये विजय पाटील, सुनील टेलंगे यांचा समावेश असून त्यांची प्रकृती चिंताजनक आहे. या प्रकरणी पोलीस अधिक चौकशी करत आहेत.